ଲାଇବ୍ରେରୀ
ପ୍ରୋଫାଇଲ୍
କୁଆ ରାବିଲା କାଆ
କୁଆ ରାବିଲା କାଆ
1 min
341
କୁଆ ରାବିଲା କାଆ
କାଆ କାଆଟା କାହାକୁ ଭଲ
କିଏ ହୋଇଲା ନିଆଁ ।୧।
ରାବିଲା ଯଦି ଗୋଟିଏ କୁଆ
ସଭିଏଁ ହୋଇ ମେଳି ।
କାଆ କାଆର ଶବଦ କଲେ
କହନ୍ତି କୁଆ ମେଳି ।୨।
ଗୋଟିଏ କୁଆ ମରିଲା ଯଦି
ସଭିଏଁ ମେଳି ହୋଇ ।
ରାବରେ ତାଙ୍କ କମ୍ପାନ୍ତି ଧରା
ପ୍ରତିବାଦ ତ ସେଇ ।୩।
କୁଆଟି କଳା ଖାଇ ମଇଳା
ଅସନା ସଫା କରେ ।
ବଡି ସକାଳୁ ନିଦକୁ ଭାଙ୍ଗେ
କାଆ କାଆ ରାବରେ ।୪।
କୁଆ ରାବିଲେ ଅନ୍ୟ ବେଳରେ
କୁଣିଆ ଆସିଯିବେ ।
କହନ୍ତି ଲୋକେ ଭାବନ୍ତି ଏହା
ଜାଣନ୍ତି ଲୋକେ ଭବେ ।୫।
କାଳେ କାଳେ ସେ ସଂଗ୍ରହ କରେ
ନ ଡରି ବର୍ଷା ଖରା ।
ଧରମ କାକ କହନ୍ତି ଲୋକ
କାକଭୁଷୁଣ୍ଡି ପରା ।୬।
ଭୟ ନଥାଏ ମନରେ ତା'ର
ନୁହେଁ ସେ ଅଳସୁଆ ।
ଏ ଗୁଣ ସବୁ କୁଆଠୁ ଶିଖି
ଗଢିବା ମୂଳଦୁଆ ।୭।
