Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra
Participate in the 3rd Season of STORYMIRROR SCHOOLS WRITING COMPETITION - the BIGGEST Writing Competition in India for School Students & Teachers and win a 2N/3D holiday trip from Club Mahindra

Prasanna Kumar Madala

Inspirational


1.8  

Prasanna Kumar Madala

Inspirational


କଥା ଓ ବ୍ୟଥା

କଥା ଓ ବ୍ୟଥା

1 min 12.9K 1 min 12.9K

ଓଡ଼ିଆ ଭାଷାର        ଛନ୍ଦ ଅଳଙ୍କାର 

        ଉପମା ଭୂଷିତ କରି,

ଲେଖିଲି ଯେତେକ      କବିତାକୁ ଦେଖ

       ହେଲିନାହିଁ ଆନ ସରି ।

ପାଠକେ ଆଜିର        ସରଳ ସୁନ୍ଦର

       ସାବଲୀଳ ମିଠା ଗୀତ,

ଅଧିକେ ପସନ୍ଦ        କରନ୍ତେ ଆନନ୍ଦ

        ଜାଣି ସାରିଲିଣି ମିତ ।

ତଥାପି ଦୂରୁହ        ଅନୁପ୍ରାସ ମୋହ

        ହୃଦୟରୁ ଛାଡୁ ନାହିଁ,

ବୁଝେନି ସତରେ      ସରଳ ଲେଖାରେ

       ବାହାଦୁରି ଅଛି କାହିଁ !

ଭାବନାହିଁ ଅତି         ଭାବକୁ ସାଇତି

       ଲେଖିବାର ନାହିଁ ଜଣା,

ଭାବ ଧରୁ ଧରୁ         ପିଲାଟି ଦିନରୁ

       ଭାବି ସିନା ଏତେ ବଣା ।

ପାଇଛି ପରଶ        ଯେତେ ଅଛି ରସ

        ଦେଖିଛି ନିକଟେ ଅତି,

କବି ପଦେ ଯାଇ      ଗଣା ହେବା ପାଇଁ 

       ବଳାଇ ନାହିଁ ମୋ ମତି ।

ଓଡ଼ିଆ ମୋ ଭାଷା      ଉଚ୍ଚ ଶିକ୍ଷା ଆଶା

       ପୂରଣ ହୋଇନି ବୋଲି,

ଭାଷା ଅନୁରାଗ        ଊଣା ନାହିଁ ଆଗ

       କହି ଦେଉଅଛି ଖୋଲି ।

ମନେ ଭରି ଦମ୍ଭ        କରିଲି ଆରମ୍ଭ

       କବିତା ଲେଖିବା କଥା,

ଦେଖାଇଲେ ପଥ       ବନ୍ଧୁ ଯେ ସତତ

        ଝୁଙ୍କାଉଥିବି ଏ ମଥା ।

ସ୍ନେହ ଶ୍ରଦ୍ଧା ବୋଳି      ଆଶୀର୍ବାଦ ଢାଳି

       ଦେଲେ ଯେଉଁ ଗୁରୁଜନ,

ସେମାନଙ୍କ ପାଇଁ       ଚିରଋଣୀ ହୋଇ

        ଭକ୍ତିପୂତ ଥିବ ମନ ।

ପାଠକ ପାଠିକା      ଦୋଷ ଥିଲେ ଏକା

       କରିବ ହେ କ୍ଷମା ଦାନ,

ସମୟ ଅଭାବେ     ଊଣା ଥିଲେ କେବେ

        ନ କରିବ ହୀନିମାନ ।

ଭଞ୍ଜ ଜୟଦେବ        କୃଷ୍ଣ ବଳଦେବ

       ଆଦିଙ୍କ ପୟର ତଳେ,

କୃପା କଲେ ବାଣୀ      ଚାଲିବ ଲେଖନୀ

       ଭାବକୁ ସଜାଇ ବଳେ ।

       ପ୍ରସନ୍ନ କୁମାର ମାଦଳା


Rate this content
Log in

More oriya poem from Prasanna Kumar Madala

Similar oriya poem from Inspirational