କ୍ଷଣିକ ଜୀବନ
କ୍ଷଣିକ ଜୀବନ
କ୍ଷଣିକ ପରାଏ ମଣିଷ ଜୀବନ
ଆଜି ମଲେ କାଲି ହେବ ଦୁଇ ଦିନ l
ଖାଲି ଆସି ଅଛି ଖାଲି ଶେଷେ ଯିବ
ଗାଡି ଘୋଡା ଧନ ସବୁ ପଡି ଥିବ l
ଜ୍ଞାତି ବନ୍ଧୁ ଯେତେ ଆତ୍ମୀୟ ଶୋଦର
କାନ୍ଧିବେ କ୍ଷଣିକ ସବୁ ହେବେ ପର l
ମଶାଣି ଭୂଇଁରେ ପକାଇ ଆସିବେ
ଲିପା ପୋଛା ସବୁ ଘର ଯେ କରିବେ l
କ୍ରିୟା କର୍ମ ସାରି ଘର ବାହୁଡ଼ିବେ
ସମୟ ଚକ୍ର ରେ ସବୁ ଭୁଲି ଯିବେ I
ଧିକ ତୋ ଜୀବନ ଧିକ ବଡ ପଣ
ଅଧର୍ମ ଅର୍ଜିତ ସବୁ ଧନ ମାନ l
ଧନ ବଳ ଗର୍ବ ସବୁ ମୂଲ୍ୟ ହୀନ
ଶେଷ ବେଳେ ଏକା ଧର୍ମ ଧନ ଜ୍ଞାନ l
ଲୋଭ ମୋହ ମାୟା ସବୁ ଅକାରଣ
ହରି ନାମ ଭଜନ ହେଉ ଜୀବ ଧନ l
ପ୍ରଭୁ ପଦ୍ମ ପାଦ ନିତି ସେବା କର
ଦୂର ହେଉ ଭୟ ଆଶଙ୍କା ନିଜର l