ନିର୍ବାଣ

ମିଛ ମୋହ ମାୟା ବନ୍ଧନରେ

ବାନ୍ଧ ନାହିଁ ମନେ ଜୀବନରେ l

କ୍ଷଣିକ ମୋହ ରେ ବଶବର୍ତ୍ତୀ ହୋଇ

ଜୀବନକୁ ନଷ୍ଟ କରନାରେ l

ବସ୍ତୁ ବାଦୀ ଏଇ ମିଛ ଦୁନିଆରେ

ସବୁ ଚୁନା ଚୁନା କ୍ଷଣ ଭଙ୍ଗୁର l

ରଙ୍ଗୀନ ଦୁନିଆ ନାହିଁ ବାସ୍ତବତା

ମରୀଚିକା ଭଳି ମନେ ଭରେ ମାଦକତା l

ଗୋଡ଼ ଖସି ଗଲେ ଥରେ ଫସି ଗଲେ

ବାହାରି ହେବ ନି କେବେ ଜୀବନରେ I

ବୃଥା କଷ୍ଟ ଜାଲେ ପଡି ଛନ୍ଦି ହେବୁ

ଅମୂଲ୍ୟ ଜୀବନ ନଷ୍ଟ କରିଦେବୁ l

ବେଳ ଥାଉ ଥାଉ ବନ୍ଧ୍ ଏବେ ଡୋରି

ଅନ୍ତର୍ଯ୍ୟାମୀ ସେଇ ଦିଅନା ପାସୋରି l

ସେଇ ତୋର ପଥ, ଜ୍ଞାନ ମୁକ୍ତି ଦାତା

ଆଦି ଗୁରୁ ବ୍ରହ୍ମା ତୋର ପିତା ମାତା l