ଆଶା
ଆଶା
ଛୋଟ ବୋଲି ମତେ ଭାବ ନାହିଁ ଜମା
କାଳର ଇଙ୍ଗିତରେ ଦେଖାଇବି ଚକମା l
ଛୋଟ ମୋର ଏଇ ମନ ତଳେ
ସାଗର ଲଂଘିବାର ଆଶା ଖେଳେ l
ଚପଳ ହୃଦୟ ମୋର ଛଳ ଛଳ
ନଦୀ ସମ ବୋହୁ ଥିବି ସଦା ହୋଇ ପ୍ରଖର l
ଛୋଟ ଆଶା ତଳେ ନିହିତ ବିରାଟ ସମ୍ଭାବନା
ଲୁଚି ଲୁଚି ଖୋଜେ ସମୟ ନୀରାଜନl I
ମୁଁ ଆଜି ଛୋଟ ଅଛି ଦିନେ ବଡ ହୋଇବି
ଆକାଶର ବୁକୁ ଚିରି ରକେଟ ରେ ଉଡିବି l
କାଗଜ ର ମିଛ ଖେଳ ଦିନେ ସତ ହୋଇବ
ଛୋଟ ଦେହେ ନିହିତ ସମ୍ଭାବନା ହେବ ଦିନେ ବିରାଟ l
ଲକ୍ଷ୍ୟ ଯଦି ଠିକ୍ ଥାଏ ସଫଳତା ମିଳିବ
ଫୁଲ ଭଳି ଜୀବନ ଟା ଖିଲି ଖିଲି ହସିବ I