କରୁଣାକର

ଜଗତ କଲ୍ୟାଣେ ଜନ୍ମଟି ଯାହାର

ସେହୁ ରାମ ସେହୁ ରାମ,

ପାପି ବିନାଶନେ ଅବତାର ଯାର

ସେହୁ ପ୍ରଭୁ ସେହୁ ରାମ ।

ରାକ୍ଷସ କବଳୁ ଅଭୟ ଦିଅନ୍ତି

ଋଷି ମୁନି ସନ୍ଥେ ନିତି,

ବାଲ୍ୟକାଳେ ସେହୁ ମାରିଲେ ତାଡ଼କା

ଭୟଙ୍କର ସେହୁ ଅତି ।

ବିଶ୍ବାମିତ୍ର ଋଷି ବ୍ରହ୍ମ ଋଷି ସେହୁ

ରାମଙ୍କୁ ଧୀରେ କହିଲେ ,

ମାୟାଭି ରାକ୍ଷସୀ ଅତି ଦୂରାଚାରି

ଶୀଘ୍ରହିଁ ମାର କହିଲେ ।

ଋଷି ମୁନି ଶତ୍ରୁ ଅତି ପାପାଚାରୀ

ଅତି ଶକ୍ତିଶାଳୀ ଏହୁ,

ଏହୁ ମଲେ ହେବ ଯଜ୍ଞ ଅନୁଷ୍ଠାନ

ଶୀଘ୍ର ମାର ତୁହି ଏହୁ ।

ହୁଙ୍କାର କରିଲା ପ୍ରତାପୀ ରାକ୍ଷସୀ

ଦିବ୍ୟ ଅସ୍ତ୍ର ଦେଲା ଛାଡି,

ଅସ୍ତ୍ର କୁ କାଟିଲେ ବୀରବର ରାମ

ଦିବ୍ୟ ଅସ୍ତ୍ର ଦେଲେ ଛାଡି ।

ମରିଲା ରାକ୍ଷସୀ ଆର୍ତ୍ତନାଦ କରି

ପଡ଼ିଲା ଭୂମିରେ ଆସି,

ପୁଷ୍ପବୃଷ୍ଟି ହେଲା ଆକାଶ ମାର୍ଗରୁ

ରାମନାମ ଘୋଷି ଘୋଷି ।

ଜଗତ କଲ୍ୟାଣେ ଜନ୍ମଟି ଯାହାର

ସେହୁ ରାମ ସେହୁ ରାମ,

ପାପି ବିନାଶନେ ଅବତାର ଯାର

ସେହୁ ପ୍ରଭୁ ସେହୁ ରାମ ।