କର୍ତ୍ତବ୍ୟ

କେତେ ପୁଣ୍ୟ ବଳେ ବିଧାତା ,ମଣିଷ ଜନମ ଦେଇଛି

କିଛି କର୍ମ କରି ଏହାକୁ ସଫଳ କରିବାକୁ କହିଛି |

ଯୁଗେ ଯୁଗେ ଆମ ଏହି ସଂସ୍କୃତି ରହି ଆସିଛି

ଧର୍ମ କର୍ମ କରି ,ମଣିଷ ତାହାର କର୍ତ୍ତବ୍ୟ କରୁଛି |

କର୍ତ୍ତବ୍ୟ ଅଟଇ ଆମ ଜୀବନ ଯାତ୍ରାର ଏକ ଅଂଶ

କାଳକ୍ରମେ ଏବେ ଏହା ମଣିଷ ଭୁଲି କରି ଅପଭ୍ରଂଶ |

ପିତା ମାତା ଯେବେ ଜନ୍ମ ଦିଅନ୍ତି ,ଯତ୍ନରେ ପାଳନ୍ତି

ସବୁ ଦୁଃଖ ସୁଖ ସହି ,ଏହାକୁ କର୍ତ୍ତବ୍ୟ ମାନନ୍ତି |

ଲାଳନ ପାଳନ ସଙ୍ଗେ ଶିକ୍ଷା ମମତା ,ସବୁ ଦିଅନ୍ତି

ଏହି ସବୁ କରି ସିଏ ,ତାଙ୍କ କର୍ତ୍ତବ୍ୟ କରିଯାଆନ୍ତି |

ବଡ଼ ହୋଇ ଯେବେ ଯାଏ ଗୁରୁକୁଳ ଅବା ବିଦ୍ୟାଳୟ

ଗୁରୁ ଶିକ୍ଷା ଦେଇ ,ତାଙ୍କ କର୍ତ୍ତବ୍ୟ କରନ୍ତି ନିଶ୍ଚୟ |

ଗୁରୁଙ୍କ କର୍ତ୍ତବ୍ୟର ଥାଏ ,ସଦା ସ୍ନେହ ଆଉ ଆଶୀର୍ବାଦ

ଯାହା ଶିକ୍ଷିତ କରାଇ ,ଦୂର କରେ ସବୁ ବିପଦ |

ଗୁରୁ ଶିକ୍ଷା ଦେଇ ,କରନ୍ତି ପାଳନ ନିଜ କର୍ତ୍ତବ୍ୟର,

ଚିନ୍ତା ଚୈତନ୍ୟକୁ ଜାଗ୍ରତ କରି ,ଦେଖନ୍ତି ମାର୍ଗ ସଫଳତାର |

ସେହି କର୍ତ୍ତବ୍ୟର ଥାଏ ଯେବେ ତାଙ୍କ ନିଷ୍ଠାପର ଭାବ

ତାହା ପାଇଁ ବିଦ୍ୟାର୍ଥୀ ,ସଫଳ ହୋଇ ବଢ଼ାନ୍ତି ଗୌରବ |

ଆମ ସଂସ୍କୃତି ,ଆମ ସଂସ୍କାର ,ଦେଖାଏ ସୁନ୍ଦର ରାସ୍ତା

କର୍ତ୍ତବ୍ୟ ହୁଅଇ ଶୁଦ୍ଧ ଚେତନାରୁ ଜାତ ,ନୁହଁଇ ଶସ୍ତା |

ଇତିହାସ କୁହେ ,ଆମ ଦେଶର କେତେ ଗୌରବର କାହାଣୀ

କର୍ତ୍ତବ୍ୟର ମହତ୍ୱ ତେବେ ,କିଏ କେମିତି ଭୁଲିବି କେଜାଣି ।

ଆମ ସଂସ୍କୃତି କହୁଛି ,ଏଠାରେ କର୍ତ୍ତବ୍ୟ ବିକ୍ରି ହୁଏନାହିଁ

ସନ୍ତାନ ଆଉ ଶିଷ୍ୟ ସବୁ ଜାଣଇ,କିଛି ଭୁଲିନାହିଁ |

ଏହି ମାଟିର ମହତ ସବୁଠୁ ନିଆରା ,କର୍ତ୍ତବ୍ୟ ପାଇଁ

ମାନବ ସହିତ ପ୍ରକୃତି ଆଉ ଜୀବ ,ଧନ୍ୟ ସେଥିପାଇଁ |

ସଭିଏଁ ଏଠାରେ କରନ୍ତି ପାଳନ ,କର୍ତ୍ତବ୍ୟ ନିଜ ନିଜର

ଏହା ଏକ ମାପଦଣ୍ଡ ଅଟେ ,ଆମ ଜୀବନ ସାର୍ଥକତାର |

ବୁଝିବାକୁ ହେବ କର୍ତ୍ତବ୍ୟର ପକୃତ ମୂଲ୍ୟବୋଧ ଏଠାରେ ସଭିଙ୍କୁ

ଉଦ୍ଧରିବେ ସର୍ବେ ସବୁ ବିପଦରୁ ,ଉନ୍ନତ କରି ସମାଜକୁ |