କୃଷ୍ଣମୋର ପ୍ରାଣ

କୃଷ୍ଣ ମୋର ପ୍ରାଣ ସଖିରେ

କୃଷ୍ଣ ମୋ ଜୀବନ,

କୃଷ୍ଣ ମୋର ମନ ସଖିରେ

କୃଷ୍ଣ ମୋର ଧନ ।।

କୃଷ୍ଣ ମୋର ଦାନ ସଖିରେ

କୃଷ୍ଣ ମୋର ଧ୍ୟାନ,

କୃଷ୍ଣ ନାମ ବିନୁ ସଖିରେ

ନଜାଣଇ ଆନ । ।

କୃଷ୍ଣ କୃଷ୍ଣ କୃଷ୍ଣ ଜଗତବନ୍ଧୁ

କୃଷ୍ଣ କୃଷ୍ଣ କୃଷ୍ଣ କରୁଣା ସିନ୍ଧୁ ,

ଭଜରେ ମନ ଜଗତବନ୍ଧୁ

ପାରି କରି ନେବେ କରୁଣା ସିନ୍ଧୁ । ।

କୃଷ୍ଣ ମୋର ପଞ୍ଚପ୍ରାଣରେ

କୃଷ୍ଣ ମୋର ସଖା,

କୃଷ୍ଣ ମୋର ଜପ-ତପରେ

କୃଷ୍ଣ ମୋର ଦୀକ୍ଷା । ।

କୃଷ୍ଣ ମୋର ମାତା-ପିତାରେ

କୃଷ୍ଣ ମୋର ଗୁରୁ

କୃଷ୍ଣ ମୋର ଭାଇ-ବନ୍ଧୁରେ

କୃଷ୍ଣ କଳ୍ପ ତରୁ । ।

କୃଷ୍ଣ ନାମ ଏକା ଅମୂଲ୍ୟ ଧନ

ଆଉ ଯେତେ ସବୁ ଅଢ଼େଇ ଦିନ,

ରାଧାକୃଷ୍ଣ ନାମ ଜପରେ ମନ

ତରିଯିବୁ ଦିନେ ଏ ଧରାଧାମ । ।