କୃଷ୍ଣଚୂଡାର ପ୍ରୀତି
କୃଷ୍ଣଚୂଡାର ପ୍ରୀତି
କିଏ କହେ ଏଠି ପ୍ରେମ ପରା ଅଟେ
କୃଷ୍ଣଚୂଡ଼ାର ପ୍ରୀତି
ଗୋଧୂଳି ବେଳାରେ ସଂଜ ନଇଁ ଗଲେ
ଅପେକ୍ଷାର ସେ ରାତି ,
ଦେଖିଥିବା ସ୍ୱପ୍ନ ବାସ୍ତବ ହୋଇବ
ଶୀହରିତ ହେବ ଛାତି
ପ୍ରତିଶୃତି ସବୁ ପୁରା ହେବ ପୁଣି
ଶୁଭିବ ପ୍ରେମର ଗୀତି ,
ଯୈ।ବନ ସତରେ କୋଟି ସମ୍ଭାବନା
ଅମୃତ ପରଷା ଛୁଆଁ
ଉତ୍ସାହିତ ମନ ଦେଖିବାକୁ ଚାହେଁ
ସବୁ କିଛି ନୂଆ ନୂଆ ,
ପ୍ରେମ ଆକାଶରେ ପ୍ରୀତି ଈନ୍ଦ୍ରଧନୁ
ପ୍ରସ୍ଫୁଟିତ ହୁଏ ନୀତି
ବିଦଗ୍ଧ ହୃଦୟ ପ୍ରଶମିତ ହୁଏ
ମିଳି ଯାଏ ହୀରା ମୋତି ,
ଆଖି ଖୋଲି ଗଲେ ସ୍ୱପ୍ନ ଭାଙ୍ଗି ଯାଏ
ଫର୍ଚ୍ଚା ଦିଶେ ଚଉଦିଗ
ଭବ ରଙ୍ଗ ଭୂମି ମରୀଚିକା ସାଜେ
ହଜି ଯାଏ ସାତ ରଙ୍ଗ ......।