କରୋନାରୁ ଉଦ୍ଧାର କର

କରୋନାର ଭୟ ପ୍ରବଳ ହୋଇଲା

ରକ୍ଷା କର ଚକ୍ରଧର

ସାରା ବିଶ୍ୱବାସୀ ରୋଦନ କରନ୍ତି

ଜଗତ ଉଦ୍ଧାର କର ।

ଗରବ ଗଞ୍ଜନ ପ୍ରଭୁ ନାରାୟଣ

ଦୁଃଖ ନାଶନ ହରି

ସଂସାରର କ୍ଲେଶ ଦୂର କରିଦେଇ

ରାମ ରାଜ୍ୟ ଦିଅ କରି ।

ଦେବ ବୈଦ୍ୟକୁ ମର୍ତ୍ୟକୁ ପଠାଇ

ରୋଗ ନାଶନ କର

ଦୁଃଖ ବିନାଶନ ଆହେ ଜନାର୍ଦନ

ଅମୃତ ସିଞ୍ଚନ କର ।

ହେ ବିଶ୍ୱବିଧାତା ବିଶ୍ୱ ରଚୟତା

ବିଶ୍ୱକୁ ରକ୍ଷା କର

ଭାଇରସ ରୂପକ ରାକ୍ଷାସକୁ ନାସୀ

ପ୍ରାଣୀଙ୍କ ମଙ୍ଗଳ କର ।

ତୁମର ଲୀଳା ତୁମକୁ ଗୋଚର

ଆଉ କଷ୍ଟ ଦିଅ ନାହିଁ

ତୁମରି ସନ୍ତାନ ଆତୁରେ ଡାକନ୍ତି

ଉଦ୍ଧାର ପାଇବା ପାଇଁ ।

କରୋନା କବଳେ କବଳିତ ହୋଇ

କରନ୍ତି ଆର୍ତ୍ତ ଚିତ୍କାର

ଆହେ ମାୟାଧର ଜଗତ ଈଶ୍ୱର

କରୋନାକୁ ଭସ୍ମ କର ।