କରୋନା ତୁ ଡରାନା

କରୋନା ତୁ ଆଉ ଡରାନା

ଆମକୁ ଏତେ ତୁ ସତାନା ||

ତୁ ଅତି କ୍ଷୁଦ୍ର ଜୀବ ହୋଇ 

ଜଗତକୁ ଦେଲୁ ଥରାଇ  ||

ଡାକ୍ତର ହେଲା ବାଟବଣା

କି ପଥି ଦେବ ସେ ଜାଣେନା ||

ରୋଗ ପ୍ରତିରୋଧରେ କ୍ଷୀଣ

ଦେଖି ତୁ କରୁ ଆକ୍ରମଣ ||

ତୁ ଦେଲୁ ଆମକୁ ଶିଖାଇ

ପରିବେଶର  ରକ୍ଷାପାଇଁ ||

ତୋହର ପ୍ରତିକାର ପାଇଁ

ଆମେବି କରୁଛୁ ଲଢାଇ ||

ଦେହେ ରୋଗ ନିରୋଧ ଶକ୍ତି

ଅଟଇ ଜାଣ ମହାଶକ୍ତି ||

ଖୋଜି ପାଇଛୁ ଇଞ୍ଜେକ୍ସନ୍

କରିବୁ ତୋତେ ସମ୍ମୋହନ ||

ନେଇପାରିବୁନି ଜୀବନ

ବାଛି ନେଇଛୁ ଘର କୋଣ ||

କୋଭିସିଲ୍ଡ ଓ କୋଭାକ୍ସିନ୍

ନେବୁ ସରବେ ଇଞ୍ଜେକ୍ସନ୍ ||

କରିବୁ ମାସ୍କ୍ ପରିଧାନ

ପରଠୁ ଦୂରତା ରକ୍ଷଣ ||

ହୋଇବୁ ଆମେ ଯତ୍ନବାନ

କରିବୁ ଶରୀର ରକ୍ଷଣ ||

ନ କରି ଆଉ ପ୍ରଦୂଷଣ

ସଂଯମେ କାଟିବୁ ଜୀବନ ||

ପରିବେଶର ସଂରକ୍ଷଣ

ହେବୁରେ ଆମେ ଯତ୍ନବାନ ||

ହଟିଯା ରେ କରୋନା ତୁହି

ଗୁହାରି କରୁଅଛି ମୁହିଁ ||

ତୋତେ ମୁଁ କ୍ଷୁଦ୍ର ମଣୁନାହିଁ

ସତାନା ଆଉ ମୋତେ ତୁହି ||

ବିଶ୍ବରୁ ହଟିଯା' ରେ ତୁହି

ଇଞ୍ଜେକ୍ସନ୍ ନେଇଅଛି ମୁହିଁ ||