କରୋନା ମାଡ଼

ଲକ୍ଷେ ଶିବ ପୂଜି ପାଇଥିଲି ପୁଅ

ବୃଦ୍ଧ କାଳେ ହେବ ବୋଲି ସାହାରା

ବୟସ ଖସିଲା ଯେବେ ଶରୀର ଭିତରୁ

ଦେଲା ନାହିଁ ମୋତେ ଆସରା ।

ଧନ ଦଉଲତ ଯେତେ ଅରଜିଲି

ପୁଅର ସୁଖ ଟିକକ ପାଇଁ

ସେଇ ସମ୍ପତି ପାଇଁ ପୁଅ ଘରୁ ବାହାର କରିଲା

ଅଲୋଡା ଜୀବନ କହି ।

କରୋନା ରୋଗଟା ସବୁଆଡେ ବ୍ୟାପୁଛି

କହିଲି କିଛିଦିନ ଘରେ ରହିବି ଟିକିଏ ପୁଅ

ବୋହୂ କହିଲା ମରୁନାହୁଁ ବୁଢ଼ା ଯାହା

ଚଞ୍ଚଳ ମୋ ଘରୁ ବାହାରି ଯାଅ। 

କୁଆଡେ ଯିବି ମୁଁ କିଏ ହେବ ସାହା

ଭାବୁଛି ଟିକିଏ ବସି

ନିଜ ଲୋକ ଧୋକା ଦେଇଗଲା ପରେ

ବୁଢ଼ା ଶରୀର ଦେଉଛି ଠକି ।

କରୋନା ମାଡ଼ରେ ଆହତ ହୋଇଛି

ଭାଙ୍ଗି ଯାଇଅଛି ପଞ୍ଜରା ହାଡ଼

ସାହା ନାହିଁ କେହି ଆହା ପଦେ ପାଇଁ

ସତେ ଗ୍ରୀଷ୍ମ ଦିନରେ ମାରୁଛି ଜାଡ ।

ଯେତେ ଅରଜିଲି ଖୁସିବାସ ପାଇଁ 

କିଛି ନରହିଲା ନିଜ ପାଖେ

ଦୁଇମୁଠା ଖାଇବା ସପନ ହୋଇଲା

କେବଳ ରଖ ଜଗନ୍ନାଥ ଡାକେ ।