କରୋନା ହାରିବ ଓଡ଼ିଶା ଜିତିବ

ସବୁଠି ଭାଇରେ କରୋନା ଚର୍ଚ୍ଚା

ଶୁଣିଲେ ଲାଗୁଛି ଭୟ

ସଙ୍ଘରୋଧ ପରା କରୋନା ରୋଗର

ଗୋଟିଏ ପରା ଉପାୟ ।

କରୋନା ବିରୁଦ୍ଧେ ଲଢିବା ସଭିଏଁ

ମନେ ବାନ୍ଧି ଦୃଢ଼ ଆଶା

ସବୁରି ଓଠରେ ଫୁଟିବରେ ହସ

ହସିବ ପୁଣି ଓଡ଼ିଶା ।

ଟିକେ ସଚେତନ ଟିକେ ସତର୍କତା

ଯଦିରେ ରହିବା ଭାଇ

କରୋନା ହାରିବ ଓଡ଼ିଶା ଜିତିବ

ତିଳେ ହିଁ ସନ୍ଦେହ ନାହିଁ ।

ଅତି ଆବଶ୍ୟକ ନଥିଲେ ଭାଇରେ

ଘରୁ ବାହାରିବା ନାହିଁ

ଯଦି ବାହାରିବା ମାସ୍କ ପିନ୍ଧି ଯିବା

ଦୂରତାରେ ଥିବା ରହି ।

ଆଖି ,ନାକ ,କାନେ ହାତ ମାର ନାହିଁ

ଧୂଅ ହାତ ବାରମ୍ଵାର

ଟିଭି ଦେଖି ଘରେ ମନ ଖୁସି କର

ଦୁଃଖ ସବୁ କରି ଦୂର ।

ପ୍ରବାସୀ ଓଡ଼ିଆ ବାହାରୁ ଆସିଲେ

କ୍ଵାରେଣ୍ଟାଇନ୍ ରେ ରୁହ 

ନିୟମ ମାନିଲେ ନିଜ ପାଇଁ ଭଲ

ସୁସ୍ଥ ରହେ ପରିବାର ।

କରୋନା ବିରୁଦ୍ଧେ କରୋନାର ଯୋଦ୍ଧା

ଲଢ଼ୁଛନ୍ତି ରାତି ଦିନ

ସେମାନଙ୍କୁ ଆମ ସତ ସଲାମ୍

ଜଣାଏ ତାଙ୍କୁ ସମ୍ମାନ ।

କରୋନା ସାଙ୍ଗକୁ ମନେ ଆସିଯାଏ

ଓମିକ୍ରନ୍‌ ରୋଗ ଭୟ

ସତର୍କ ରହିଲେ ଏ ଦୁଇ ରୋଗକୁ

ଦେବାରେ ଆମେ ବିଦାୟ ।

ସବୁରି ବିପଦ ଦେବେରେ ଦୂରେଇ

ମହାପ୍ରଭୁ ଜଗନ୍ନାଥ

ଲୀଳାମୟ ସିଏ ତାଙ୍କରି ଲୀଳାରେ

ଚାଲୁଛି ସାରା ଜଗତ ।