କର୍ମଯୋଗୀ

ଦୃଢ଼ ଇଚ୍ଛା ବଳେ ପିମ୍ପୁଡି ବୋହଇ

ତା'ଠାରୁ ଅଧିକା ଶହେ ଓଜନ

ଥଣ୍ଟରେ କାଠକୁ କାଟି କାଟି ପୁଣି

କାଠହଣା ପାଏ କେତେ ସମ୍ମାନ l

କର୍ମ କଲେ ସିନା ସୁଫଳ ମିଳଇ

ମିଳେ ପୁଣି ଯଶ, ଧନ

ଅଳସୁଆ ହୋଇ ଶୋଇଥିଲେ ଖଟେ

ଦାରିଦ୍ର୍ୟରେ ଜାଣ କଟିବ ଦିନ l

କର୍ମ ବଳେ ପଙ୍କେ ପଦୁଅଁ ଫୁଟଇ

ବଗିଚାରେ ଫୁଟେ ମଲ୍ଲୀ ଚହଟ

ଚେଷ୍ଟା କରୁଥିଲେ ଉଚିତ ସମୟେ

ସପନ ହୋଇବ ନିଶ୍ଚୟ ସତ l

କାପୁରୁଷ ହୋଇ କପଟ କରିଲେ

ହୁଏ ସର୍ବନାଶ ଆସେ ସଙ୍କଟ

ସତ୍ୟବାଦୀ ହୋଇ କର୍ମଯୋଗୀ ହେଲେ

ସଦା ସୁଖୀ ହୋଇ ଚାଲିବ ବାଟ l