ଲାଇବ୍ରେରୀ
ପ୍ରୋଫାଇଲ୍
କର୍ମ
କର୍ମ
1 min
14K
ଭିକ ମାଗିବିନି ହାତ ପାତିବିନି
କାହାରି ଆଗରେ ଯାଇ
କର୍ମ କରୁଥିବି କର୍ମେ ବଞ୍ଚୁଥିବି
ଯେତେ ଦିନ ବଞ୍ଚିଥାଇ
ଭିକ ମାଗିବା ହାତ ପତେଇବା
ଏତ କାପୁରୁଷ କାମ
ଜୀବନ ପାଇଛୁ କର୍ମ କରିବା
ଏତ ମଣିଷର ଧର୍ମ
ଜଗତର ନାଥ ଆହେ ଜଗନ୍ନାଥ
ଅଳି କରୁଅଛି ମୁହିଁ
ମୁଁ ମଲା ବେଳକୁ ସହାୟକ ହେବ
ପର କରିଦେବ ନାହିଁ
ଜନମ ବି ଦେଲ କର୍ମ ବି ଦେଲ
ଭାଗ୍ୟରେ ଗରିବ ଲେଖିଲ
କର୍ମ କଲି ସିନା ସୁଖ ପାଇଲିନି
କ’ଣ ଯେ ସୁଖ ପାଇଲ
ଯାହା ତୁମେ ଦେଲ ଗ୍ରହଣ କରିଲି
ପ୍ରତିବାଦ କେବେ କରିନି
ଦେବାଠାରୁ ଟିକେ ବେଶି ପାଇବାକୁ
ଆଶା ବି କେବେ କରିନି
ତୁମେ ଯାହା କର ଭଲପାଇଁ କର
ଏ କଥା ଯେ ମୁଁ ଶୁଣିଛି
ମୁଁ ମଲା ବେଳକୁ ସହାୟକ ହେବ
ଏ କଥାକୁ ଆଶା ରଖିଛି
ଏତିକି ମାଗୁଣି ଆହେ ଦୟାମୟ
ଏତିକି ହିଁ ଦୟା କରିବ,
ମୋ ଆଶାକୁ କେବେ ଭୁଲିଯିବ ନାହିଁ
ମାଗୁଣି ମୋହର ରଖିବ.......
