କର୍ମ ହିଁ ଜୀବନ

   

ସମଗ୍ର ସୃଷ୍ଟିରେ କର୍ମ ବଳିୟାର

ତା’ ବିନୁ ସଂସାର ଚଳେନି କାହାର

ଯୁଗେଯୁଗେ ପୂଜା ପାଏ କର୍ମବୀର

କର୍ମ ବିନା ଜଗତେ ରହେ କିବା ନର ।

ଶ୍ରେଷ୍ଠ ପ୍ରାଣୀ ରୂପେ ପ୍ରସିଦ୍ଧି ଯାହାର

ସ୍ୱଚ୍ଛ ପାଣି ପବନ ମାଟି ତା’ର ଭାର

ଉଚ୍ଚ ନୀଚ ନୁହେଁ କର୍ତ୍ତବ୍ୟର ଦ୍ୱାର

ସର୍ବ ସହଯୋଗେ ଧରା ସ୍ୱର୍ଗପୁର ।

ପୃଥିବୀ ଅଟଇ ସମ୍ପଦ ଆମର

ଭୂମଣ୍ଡଳେ କେହି ରହିନି ଅମର

ଯଶ କୀର୍ତ୍ତି ଅଟେ ଚିର ସହଚର

ଯୋଗ୍ୟତା ଭିତ୍ତିରେ ବୃତ୍ତିକୁ ଆଦର ।

କର୍ମରେ ସାଧୁତା ଜନପ୍ରୀତି ହିଁ ଆଧାର

ସମାଜ ହିତରେ ସଦା ହୁଅ ଆଗଭର

ମିଳିମିଶି ଗାଅ କର୍ମ ହିଁ ଈଶ୍ୱର

ବିଭୁଙ୍କ ଆଶୀଷ ଲଭି ଆନନ୍ଦେ ବିହର ।