Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Anita Dash

Romance Tragedy Others


3  

Anita Dash

Romance Tragedy Others


କରିବିନି ଅନ୍ତହୀନ ଅପେକ୍ଷା

କରିବିନି ଅନ୍ତହୀନ ଅପେକ୍ଷା

1 min 8 1 min 8


ଅନ୍ତରୁ ଝୁଡିଏ ସୁଖ ଫୁଲ ତୋଳି

ବିଶ୍ୱାସ ସୂତାରେ ଗୁନ୍ଥି ,

ସେନେହ ମମତା ଅତର ଗୋଳେଇ

ଦେଇଥିଲି ପ୍ରେମ ଭେଟି I (1)

ତୁମେବିତ ୠଣୀହୋଇ ରହିନାହଁ

ପ୍ରତିଦାନେ କଲ ପୂର୍ଣ୍ଣ ,

ସମ୍ପର୍କର ମାଳ ଛଳନାରେ ଗୁନ୍ଥି

ଭେଟି ଦେଇ କଲ ଧନ୍ୟ I (2)

ହୃଦୟଟାକୁ ମୋ ଢ଼ାଲିଦେଇ ପୂରା

ନିଗିଡ଼ିକି ବୋହିଗଲି ,

ଆଶୁଆସନା ପ୍ରତିଫଳନ ବିଛେଇ

ପ୍ରତିସରଣେ ଯାଉଛ ଚାଲି I (3)

ଆଖି ପାଏନାହିଁ ମୋ ହୃଦ ଦେହୁଡି

ଆଙ୍କିଦିଏ ପ୍ରତିଲମ୍ବ ,

ଆଖି ବୁଜିଲେ ବା ଖୋଲିଲେ ଦିଶଇ

ଖାଲି ତୁମ ପ୍ରତିବିମ୍ବ। (4)

ମୁଁ ଖୋଜେ ଚେନାଏ ମାଟିର ସୁବାସ

ତୁମେ ସୋମରସ ବାସ ,

ଶାନ୍ତ କପୋତି ମୁଁ ତୁମେ ବାରମାସୀ

ବଦଳୁଛ ମାସୁ ମାସ I (5)

ଶାଶ୍ୱତ ପ୍ରେମରେ ପୂର୍ଣ୍ଣତା ଖୋଜେ ମୁଁ

ତୁମେ ଦୈହିକ ବାସନା,

ପାପୁଲି ଭରା ମୋ ସମର୍ପଣ ନେଇ

ଦିଅ ଆଞ୍ଜୁଳେ ଛଳନା I (6)

ଲକ୍ଷ୍ୟ ହୀନ ତୁମେ ନିହାତି ଖିଆଲୀ

ଭସା ବାଦଲର ଅଂଶ ,

ଯେଉଁଠି ବୋହିଲା କାଲୁଆ ପବନ

ସେଠି ଝରି ହେଲ ବଶ I (7)

ମରୁ ବାଲି ମୁଁ ଯେ ଲୋଡ଼ା ନାହିଁ ତୁମ

ବାଦଲ ଫଟା ବରଷା,

ମରୁଝର ଟିଏ ହୋଇ ରୁହ ଯଦି

ଆପଣେଇବାର ଇଛା । (8)

ଅନ୍ତର ସେନେହ ପାଇଁ କରିବିନି

ମୁଁ ଅନ୍ତହୀନ ଅପେକ୍ଷI,

ପଳାସ ଫୁଲଟି ହୋଇକି ପାରିବ

ମଲ୍ଲୀର ସୁବାସେ ମଖା I (9)

ଅଭୁଲା ସ୍ମୁରୁତି ମୁକୁତା ମୋ ହୃଦ

ଶାମୁକା ରେ ସାଇତିଛି ,

ପ୍ରତିଦାନ ଆଶା ମନରୁ କାଢିକି

ସାଗରେ ଛାଟି ଦେଇଛି I (10)


Rate this content
Log in

More oriya poem from Anita Dash

Similar oriya poem from Romance