ଶୀତ ଆସିଛି

ଶୀତ ଆସିଛି ସୁନେଲୀ ଧାନ କ୍ଷେତ ହସୁଛି 

ଧାନ ଦେଖି ଚାଷୀ ପୁଅ ଓଠେ ହସ ଖେଳୁଛି 

ଶୀତ ସକାଳେ ମନ୍ଦିରେ ଶଙ୍ଖ ଘଣ୍ଟ ଧ୍ୱନି ଶୁଭୁଛି 

ଗାଁ ଚାଳ ଘରୁ ଧୂଆଁ ଉଠି କୁହୁଡି ସାଥେ ହସୁଛି।।

ସ୍ନେହ ର ପରଶ ଦେଇ କାଲୁଆ ଶୀତ ଆସିଛି 

ନିଆଁ ପାଶେ ଅଜା ପାଶେ ବସି ନାତି ଗପ ଶୁଣୁଛି  

ଅଜାକୁ ଆଈ ପାନ ଖୋଇଦେଇ ମୁରୁକି ହସୁଛି 

ନାତି ଟୋକା ଆଈ ପଣତରେ ମୁହଁ ଲୁଚାଉଛି।।

କେତେ ସରାଗରେ ଶିଶିର ଭିଜା ଶୀତ ଆସିଛି 

ପ୍ରିୟ ପାଶେ ପ୍ରିୟା ଶୀତ ହାତେ ଚିଟାଉ ଦେଇଛି 

ସୁମନ ସୁରଭି ସଭିଙ୍କ ମନକୁ ମତୁଆଲା କରିଛି 

ଫୁଲ ଓଢ଼ଣୀ ଦେଇ ଫୁଲ ବଗିଚା ଖିଲି ଖିଲି ହସୁଛି।।