କର ବିପଦୁ ଉଦ୍ଧାର

ହେ ଈଶ୍ୱର ବିଶ୍ୱବାସୀଙ୍କୁ ସଙ୍କଟରୁ ରକ୍ଷା କର

ପଡ଼ିଛି ଦୁର୍ଗତି ନାହିଁ ଆନଗତି କର ହେ ଉଦ୍ଧାର

ହେ ଈଶ୍ୱର....

ମଣିଷ ସଭ୍ୟତା ପତ୍ତନ ଆଡେ ହୁଏ ଅଗ୍ରସର

ଈଶ୍ୱର ଆଶିଷ ହରିବ ଅଚିରେ ଭୟ ସବୁର

ହେ ଈଶ୍ୱର....

ତୁମେ ନ ରକ୍ଷିଲେ ଆଉ କିଏ ସଖା ରକ୍ଷା କରିବ

ରୋଗ ଯନ୍ତ୍ରଣା କାହାକୁ ଜଣା ଅନ୍ତ କେବେ ହୋଇବ

ହେ ଈଶ୍ୱର .......

ଅଚିହ୍ନା ଜୀବାଣୁ ଦାଉ ସାଧି ଆଜି କରେ ବାଟବଣା

ମନୁଷ୍ୟ ଶକତି ଆତଙ୍କିତ ହୁଏ ନିଦାନ ଅଜଣା

ହେ ଈଶ୍ୱର ........

ବିଶ୍ଵାସ ଉଦ୍ଧାର ଆହେ ଚକ୍ରଧର ମୁଁ ଶରଣାଗତ

ଭକତି ଅନ୍ତରେ କରେ ଗୁହାରି ଶୁଣ ମୋ ଆରତ

ହେ ଈଶ୍ୱର.....

ଉଦ୍ଧାର ଉଦ୍ଧାର ପଡ଼ିଛି ହୁରୀ ସାରା ସଂସାରେ

ଆସ୍ଥାର ନାବକୁ କୂଳେ ଲଗାଇବ ନିଜ ମାୟାରେ

ହେ ଈଶ୍ୱର.......