କୋରନା ଏଠି କି ଛାର?

ଯାଦବ ମାନଙ୍କୁ 

ନାଶ କରିବାକୁ 

କଳ୍ପିଥିଲ କୋକୁଆକୁ 

ହରି ହେ, କଳ୍ପିଥିଲ କୋକୁଆକୁ। 

କଳିଯୁଗେ ଏବେ 

ଦୁଷ୍ଟ ବିନାଶନେ 

ଛାଡିଅଛ କୋରନାକୁ

ହରି ହେ, ଛାଡିଅଛ କୋରନାକୁ।

ଯାଦବ ବିନାଶ 

ରଖି ମନେ ଆଶ 

ତା ଆକାର ବର୍ଣ୍ଣିଥିଲ 

ହରି ହେ, ତା ଆକୃତି ବର୍ଣ୍ଣିଥିଲ। 

କଳିଯୁଗେ ଦୁଷ୍ଟ 

ବିନାଶିବା କଷ୍ଟ 

ତେଣୁ କୋରନା ଆଣିଲ 

ହରି ହେ, ତେଣୁ କୋରନା ଆଣିଲ। 

କୋକୁଆ ଆକାର 

ଭାବି ଭୟଙ୍କର 

ଯଦୁବଂଶ ହେଲେ ନାଶ 

ହରି ହେ, ଭାଳି ହେଲେ ଯଦୁ ନାଶ। 

କୋରନା ପ୍ରକାର 

ଭାଳି ତା ବିକାର 

କଳି ରେ ହେବେ ନିରାଶ 

ହରି ହେ, କଳି ରେ ହେବେ ନିରାଶ। 

କୋକୁଆ ଭୟରେ 

କଦମ୍ବ ମୂଳରେ 

ପରସ୍ପର କରି ଘାତ 

ହରି ହେ, ଯାଦବେ ହେଲେ ନିପାତ। 

କୋରନା ଭୟରେ 

ମାସ୍କ ଯେ ମୁହଁରେ 

ସ୍ବତଃସ୍ଫର୍ତ୍ତ ହେବା ଶେଷ 

ହରି ହେ, ଏହା ହିଁ ତୁମ ଉଦ୍ଦେଶ୍ୟ। 

ହୋଇବ ସଫଳ

ଏ, ଯେ କଳି କାଳ

ତୁମ ଉଦ୍ଦେଶ୍ୟ ସଫଳ

ହରି ହେ, ଏହା ଘୋର କଳି କାଳ। 

ରଖିବ ଯାହାକୁ 

ମାରିବ କେ ତାକୁ? 

କୋକୁଆ, କୋରନା ଛାର

ହରି ହେ, ପ୍ରଭୁ ବନ୍ଧୁ ଏଠି ଯା'ର।