ଲାଇବ୍ରେରୀ
ପ୍ରୋଫାଇଲ୍
କୋଣାର୍କ ଶିଳା
କୋଣାର୍କ ଶିଳା
1 min
373
ତତେ ଦେଖିଥିଲି କୋଣାର୍କ ଶିଳାରେ
ନର୍ତ୍ତକୀର ଲାସ୍ୟ ମୁଦ୍ରାରେ
ତତେ ଦେଖିଥିଲି ଝାଉଁ ବୀଥିକାର
ମର୍ମର ତାନ ଛନ୍ଦରେ
ଜହ୍ନ ଉଇଁଥିଲା ନୈଋତ କୋଣରେ
ବେଳାଭୂମିର ଜୋଛନା ରାଶି
ମନେ ହେଉଥିଲା ଫିଟିକି ପଡିଛି
କବରୀରୁ ତୋର ମଲ୍ଲୀ ପାଖୁଡା ଖସି
ଜହ୍ନ ଛପିଥିଲା ବାଦଲ ଉହାଡେ
ଆକାଶେ ଅଂଧାର ରଚିଲା ମାୟା
ଏ ଶୁଭ ଲଗନେ ତତେ ମୁ୍ଁ ପାଇଲି
ବହଳ ଅଂଧାରେ ହୋଇଛୁ ଠିଆ
ତତେ ଦେଖିଥିଲି ଦୁର୍ବାଦଳ ପରେ
ସାଧବାଣୀ ବୋହୂ ରୂପରେ
ତତେ ଦେଖିଥିଲି ପ୍ରତିଚୀ ବଳୟେ
ଇନ୍ଦ୍ରଧନୁ ସପ୍ତରଂଗରେ
ଧ୍ୱନି ପ୍ରତିଧ୍ୱନି ନୂଆ ନୂଆ ଭାବ
ସ୍ପନ୍ଦନ ଜଗାଏ ସ୍ୱପ୍ନରେ
ତତେ ଦେଖିଥିଲି କୋଣାର୍କ ଶିଳାରେ
ନର୍ତ୍ତକୀର ଲାସ୍ୟ ମୁଦ୍ରାରେ l
