କୋଡିଏ 'କ' ପଣକିଆ ଗୀତ

କୋଡିଏ ଏକେ  କୋଡିଏ,

ଆ"  ଦେଖିବୁ  ବେଙ୍ଗ ଯୋଡିଏ  l

କୋଡିଏ  ଦୁଗୁଣେ  ଚାଳସୀ,

ଦେଇଁ ଦେଇଁ  ଯାଉଛନ୍ତି  ମିଶି  l

କୋଡିଏ  ତିରିକି  ଷାଠିଏ,

ପଛରେ  ଗୋଡ଼ାଏ  ସାପ ଟିଏ  l

କୋଡିଏ  ଚଉକୁ  ଅଶୀ,

ସାପର  ଲାଳ  ପଡୁଛି  ଖସି  l

କୋଡିଏ  ପଞ୍ଚା  ଶହେ,

ବାଘ  ପରି  ଧାଉଛନ୍ତି   ଦୁହେଁ  l

କୋଡିଏ  ଷୋକୋ  ଶହେ - କୋଡିଏ,

ଖାଇଲା  ସାପ  ଧରି  ବେଙ୍ଗ ଟିଏ  l

କୋଡିଏ  ସତା  ଶହେ -  ଚାଳସୀ,

ବେଙ୍ଗ  ଡେଉଁ ଥାଏ   ବେଶୀ  ବେଶୀ l

କୋଡିଏ ଅଷ୍ଟା  ଶହେ  - ଷାଠିଏ,

ସାପଟି  ଦଉଡି  ପାରୁ ନ  ଥାଏ  l

କୋଡିଏ  ନୁଆଁ   ଶହେ - ଅଶୀ,

ବେଙ୍ଗଟି  କୂଅରେ  ଗଲା  ପଶି   l

କୋଡିଏ  ଦଶା  ଦୁଇ - ଶହ,

କିଏ  ଜିତିଲା  ପିଲେ  କୁହ   l