ଲାଇବ୍ରେରୀ
ପ୍ରୋଫାଇଲ୍
କଳ୍ପନା ରେ ମୋ ପ୍ରିୟା
କଳ୍ପନା ରେ ମୋ ପ୍ରିୟା
1 min
339
ତୁମ ଚାହାଣୀରେ ଏତେ ସନ୍ମୋହନ ଯେ
ଥରୁଟିଏ ଚାହିଁଲେ ଇଛା ହୁଏ
ସବୁବେଳ ପାଇଁସେହି ନୀଳ ହରିଣୀ
ଆଖି ଦ୍ୱୟରେ ମିଶି ଯିବା ପାଇଁ ।
ତୁମ କଥାରେ ଏତେ ଆକର୍ଷଣ ଯେ
ଥରୁଟିଏ କଥା ହେଲେ
ବାରମ୍ବାର ଇଛାହୁଏ
ତୁମ ସହ ବାର୍ତ୍ତାଳାପ ରେ ମଜ୍ଜି ଯିବାପାଇଁ ।
ତୁମର ସେ ହରିଣୀ ଚାଲି
ଏତେ ମନମୁଗ୍ଧ କର ଯେ
ଆଖିରେ ମୋ ପଲକ ପଡେନି
ଅପଲକ ନେତ୍ରେ ରହିଥାଏ ଚାହିଁ ।
ହୃଦୟ ଟା ତୁମର ଏତେ କୋମଳ ଯେ
ଥରୁଟିଏ ଗଲେ ତା ମଧ୍ୟକୁ
ମୋ ହୃଦୟରେ ଗୁଞ୍ଜରିତ ହୁଏ ମୃଦୁ ଶିହରଣ
ସେଥିପାଇଁ ବୋଧେ ତୁମ ଅଜଣାତେ
ମୋ ହୃଦୟ କଳ୍ପନା ରାଇଜେ
ମୁଁ ହୋଇଯାଏ ମୋ କଳ୍ପନାରେ
ତୁମର ପ୍ରେମିକ ପ୍ରବର ।
