କଳ୍ପନା ଆଉ ବାସ୍ତବ

କଳ୍ପନା ଆଉ ବାସ୍ତବକୁ ନେଇ ଗଢ଼ା ଆମର ଜୀବନ,

ବୁଝାବଣା ଥିଲେ ଜୀବନର ଲକ୍ଷ୍ୟ ନିଶ୍ଚେ ହୋଇବ ପୂରଣ ।

ଭାବନାକୁ ନେଇ ବଞ୍ଚିହୁଏ ନାହିଁ ବାସ୍ତବତା ସତ୍ୟସିଦ୍ଧ,

ବାସ୍ତବତା ପାଇଁ ଛାଡ଼ିବାକୁ ହୁଏ ମନ-ବିବେକର ଯୁଦ୍ଧ ।

କିଛି କିଛିଲୋକ ଅଛନ୍ତି ଜଗତେ ରହିଥିବେ ବହୁଦୂରେ,

ଫୁଲପରି ବାସ ଚହଟାଇ ଦେଇ ପହଞ୍ଚନ୍ତି ଘରେ ଘରେ ।

ଈଶ୍ଵର କାହାକୁ କହନ୍ତି ନାହିଁ କି ମୋତେ ବୁଝି ଜାଣିନିଅ,

କେବଳ ମୋ ପ୍ରତି ବିଶ୍ୱାସ-ଭରସା ସବୁବେଳେ ରଖିଥାଅ ।

ମଣିଷ ଭିତରେ ଭଲ ଆଉ ମନ୍ଦ ମିଶି ଲୁଚି ରହିଥାଏ,

ଯାହାକୁ ଅଧିକ ବ୍ୟବହାର କଲେ ତା'ର କାୟା ବଢ଼ିଯାଏ ।

ଶ୍ରଦ୍ଧା-ସମ୍ମାନ କି ପ୍ରଣାମ ପ୍ରେମରେ ମିଳିଥାଏ ଯେଉଁ ଧନ,

ସେ ଧନ ସହିତ ଅର୍ଥ ଉପହାର ହୋଇପାରେନା ସମାନ ।