କଳଙ୍କ

ଭଲ ପାଇବାର ଦ୍ୱାହି ଦେଇ 

ମୋ ସାଥେ କଲ ପ୍ରତାରଣା 

ସର୍ବସ୍ବ ଲୁଟି ନେଇ ମୋର 

ପିନ୍ଧାଇ ଦେଲ ମୋତେ କଳଙ୍କର ଟୀକା ।।

କାହିଁକି ?

କି ଭୁଲ ଥିଲା ମୋର 

କେବଳ ଏତିକି ଭୁଲ ଯେ 

ଅନ୍ଧ ଭାବରେ ତୁମକୁ ଭଲ 

ପାଇଥିଲି ମୁଁ 

ନିସ୍ଵାର୍ଥପର ଭଲ ପାଇବାରେ 

ବିଷ ଦେଇଦେଲ ତୁମେ..... ।।

ଭଲ ପାଇବାର ଅଭିନୟ କରି 

ଦୂର କରିଦେଲ ମୋତେ 

ନିଜ ହୃଦୟରୁ ଓ ମନରୁ 

ଦୁନିଆଁ ଆଖିରେ ମୁଁ ଆଜି 

ସାଜିଛି କଳଙ୍କିନୀ 

କେବଳ ତୁମ ପାଇଁ...... ।।

ହେଲେ କେହି ବିଶ୍ୱାସ କରିବେନି 

ସମସ୍ତଙ୍କପାଖେ ମୁଁ ହେଲି 

ଅବିଶ୍ୱାସର ପାତ୍ର 

ତୁମ କଳଙ୍କର ଟୀକା 

ମଥାରେ ବୋହି ଆଜି ମୁଁ 

ବଞ୍ଚିଛି ଓ ବଞ୍ଚିବି ଜୀବନ 

ଥିବା ପର୍ଯ୍ୟନ୍ତ......... ।।