କଳା ଶ୍ରୀମୁଖ
କଳା ଶ୍ରୀମୁଖ
କଳା କଳା ଦିଶେ କାହିଁ ପ୍ରଭୁ ଚକାଡୋଳା
କି ଭାବେ ବର୍ଣ୍ଣିବି ଅପୂର୍ବ ଯେ ଲୀଳାଖେଳା
କର ନାହିଁ କଳା ଶ୍ରୀମୁଖ କୋଳାଅ ଦୁନିଆ
କଳାକାର ଶ୍ରେଷ୍ଠ କଳା କାହ୍ନୁ ଦଗାଦିଆ !!
କମଳାକାନ୍ତ ତବ କରୁଣା ହରେ କୋଟି ପାପ
କୋଟି ସୂର୍ଯ୍ୟ ସମ କାନ୍ତି ଝଲକେ ସେ ରୂପ
କିରୀଟ ସୁବର୍ଣ୍ଣ ଶୋହେ ପ୍ରଭୁ ମସ୍ତକରେ
ହଳଦୀ ପାଟ ଖଣ୍ଡୁଆ ସାଜେ ଶରୀରରେ !!
କୋଟି ବ୍ରହ୍ମାଣ୍ଡ ଈଶ୍ୱର ହେ କରୁଣା ମୟ
କଳି ଯୁଗେ କୃଷ୍ଣ ତୁମେ ସୃଷ୍ଟି ଲୀଳାମୟ
କାମନା କପଟ କ୍ରୋଧ ପୁଣି କଳହ କଳଙ୍କ
କି ରୂପେ କରେ ଦହନ ଦାରୁ ମୂରତି ଚମକ !!