କଳା କଳାକର
କଳା କଳାକର
କଳା କଳାକର କଳାପ ଚୂଳା
ସୁମନା ସୁମନା ନେତ୍ର ପିତୁଳା
ବୃଷାଙ୍କ ବୃଷାଙ୍କ ବୃଷାଙ୍କ ପ୍ରିୟ
କମଳ କମଳଧର ସକ୍ରିୟ
କମଳ କମଳପ୍ରିୟା
ପ୍ରିୟ ପ୍ରିୟତମ ପ୍ରିୟକ ପ୍ରିୟକ ପ୍ରିୟକ ପଦକ ହିଆ |(1)
ଜୀମୂତ ଜୀମୂତ ଜୀମୂତ କାନ୍ତି
ଅନଙ୍ଗ ଅନଙ୍ଗ ଅନଙ୍ଗ ଭାତି
ଉର୍ବୀଧର ଉର୍ବୀଧର ଧାରଣ
ନଗବର ନାଗବରେ ଶୟନ
ନାଗ ନାଗ ଦର୍ପ ଦଳା
ନାଗର ନାଗର ନାଗାରି ପତର ନାଗରୀଶ ମନ ଟଳା |(2)
କଟକ କଟକ କଟକ ଶୋଭା
ଅଳକ ଅଳକ ଅଳକ ଲୋଭା
ବାରିଜ ବାରିଜ ବାରିଜାଧର
କୁମୁଦ କୁମୁଦ କୁମୁଦକର
ବିଧୁ ବିଧୁ ସୁଖକର
ସାରଙ୍ଗ ସାରଙ୍ଗ ଶାରଙ୍ଗଶାୟକ ନମୋ ସାରଙ୍ଗପୟର |(3)
ବ୍ରଜ ବ୍ରଜାଙ୍ଗନା ଚିତ୍ତ ରଞ୍ଜନ
ତିଳକ ତିଳକ ତିଳକ ଧନ
ବିକ୍ରମ ବିକ୍ରମ ତ୍ରିବିକ୍ରମକ
ଶକ୍ର ସକ୍ରନ୍ଦନ ଶୁକ୍ର ପୀଡ଼କ
ଦରଧର ଦରହର
ଜଗନ୍ନାଥ !ଜଗନ୍ନାଥର ଆରତ ନାଶ ଶରଣ ପଞ୍ଜର |(4)