କିଗୁଣି କରିଛ
କିଗୁଣି କରିଛ
1 min
185
ଶିଶିର ବିନ୍ଦୁରେ ଶୋଷ କି ମେଣ୍ଟଇ
ଥରେ ଦେଖିଦେଲେ ମନ କି ତୋଷଇ
କନ୍ଦର୍ପରେ ଭରା, ତୁମେ ନନ୍ଦବଳା
ରତ୍ନ ସିଂହାସନେ କଳା ଗୋସେଇଁ ।
କଳାରେ କଳାତ ସେ କଜ୍ଜ୍ୱଳ କଳା
କଳା ହେଉ ଯେତେ ସେ ସୁନ୍ଦର ପରା
ଷୋଳ କଳା ଥାଇ, ଏକ କଳା ନେଇ
ବଢ଼ି ନନ୍ଦ କୋଳେ ମନ ନେଲ ମୋହି
ବଇଁଶୀ ବଜାଇ ତୁମେ କହ୍ନାଇଁ ।
ଏ କଳି ଯୁଗରେ ନୀଳ କନ୍ଦରରେ
ନିଜେ ନିଜ ଦେହ ଗଢ଼ିଲ ହାତରେ
ଅଧା ଗଢ଼ା ହୋଇ, ରହିଲ ଗୋସେଇଁ
ଯେତେ ଦେଖିଲେବି ମନ ତୋଷୁ ନାହିଁ
କି ଗୁଣି କରିଛ କହ ଗୋସେଇଁ ।