କିଏ ମୋତେ ଦେବ ହଜିଲା ଅତୀତ

ହଜିଲା ଅତୀତ ସଦା ମହକିତ

ଆଜି ବି ଜାଗ୍ରତ ମନେ

କେତେ ମଧୁମୟ ଥିଲା ତା'ର ମୋହ

ଭୁଲି ନ ପାରେ ଜୀବନେ 

ଭାବଇ ପ୍ରତିକ୍ଷଣ

କେଉଁ ଦୋଷ ପାଇଁ ହାତ ଛାଡ଼ି ଦେଇ

ତୁଟାଇ ଦେଲ ବନ୍ଧନ

ହେଲେ ମୋଠୁ କେବେ ନାହଁ ଭିନ୍ନ ।

ତୁମରି ସ୍ମୃତିରେ ପ୍ରୀତିର ଲୁହରେ

ମାନସରେ ଧୋଇ ପାଦ 

ଜୀବନ ବୀଣାରେ ବେସୁରା ସୁରରେ

ନରଖି ମନରେ ଖେଦ

ଶୁଭ ମନାସୁଥିବି

ଭଲ ପାଇବାରେ ଟିକେ ତୁମଠାରେ

କେବେ ଊଣା ନ କରିବି

ଯେଣୁ ତୁମେ ମୋ ସପନ ଛବି ।

ତୁମେ ମୋ ନିଃଶ୍ୱାସ ତେମେ ମୋ ଆଶ୍ବାସ

ଯେଣୁ ମୋ ପ୍ରଥମ ପ୍ରେମ

ଆରମ୍ଭ ତୁମଠି ଶେଷ ବି ତୁମଠି

ଏଥେ ନାହିଁ ଟିକେ ଭ୍ରମ

ହେଲେ ପଚାରେ ଆଜି

କିଏ ମୋତେ ଦେବ ହଜିଲା ଅତୀତ

ଆଉ କି ପାରିବି ଭିଜି

କେଉଁ ଲାଭ ଅବା ବୃଥା ଖୋଜି ।