**କିଏ ଜାଣିଥିଲା ଏମିତି ହେବ**
**କିଏ ଜାଣିଥିଲା ଏମିତି ହେବ**
କିଏ ଜାଣିଥିଲା ଜୀବନେ ମୋହର
ଏମିତି ଆସିବ ଝଡ,
ବିନା ଶବଦରେ ହୃଦୟ ଭାଙ୍ଗିବ
ଗଢ଼ିବ ପ୍ରାଚୀର ଗଡ।।
ନିମିଷକେ ମଧ୍ୟେ ଚୁନା ହୋଇଯିବ
ସୁନ୍ଦର ଗୋଟିଏ ମନ,
ହାରିଯିବ ପୁଣି ଛଳନାର ପାଖେ
ଲୁହରେ ଭିଜିବ ଦିନ।।
ଲୋଲୁପ ନଜର ଲାଗିବ କାହାର
ପ୍ରେମ ସେ ଛଡ଼ାଇ ନେଵ,
ବିଶ୍ୱାସ ଭରସା ହାରିବ ତା ପାଖେ
ଧୋକା ଦେଇ ଚାଲିଯିବ।।
କିଏ ଜାଣିଥିଲା ପ୍ରେମ ତଳେ ଏତେ
ଘୃଣା ସିଏ ରଖିଥିବ,
ଭଲ ପାଇବାର ଅଭିନୟ କରି
ଦିନେ ପୁଣି ଭୁଲିଯିବ।।