କିଛି ପଚାରନା ମୋତେ

ଅଯାଚିତ ଭାବେ ଆସିଥିଲ ଦିନେ 

ହୃଦୟ ଦରଜା ଡେଇଁ 

ପଚାରନା ମୋତେ ତିଥି ବାର ସବୁ

କିଛି ହେଲେ ମନେ ନାହିଁ I

ହୃଦୟର କେଉଁ ନିଭୃତ କୋଣରେ

ବାଛିନେଲ ନିଜ ସ୍ଥାନ

ପଚାରନା ସଖୀ କହି ପାରିବିନି

କେଉଁଦିନ ଦେଲି ମନ I

ଧିରେ ଧିରେ ତୁମେ କାୟା ବିସ୍ତାରିଲ

ଆବୋରି ନେଲ ମୋ ସତ୍ତା

ପଚାରନା ସଖୀ କେଇଁଦିନ ମୋର 

ଭାଙ୍ଗିଥିଲ ନିରବତା I

ତୁମରି ପ୍ରେମରେ ହଜିଗଲି ଦିନେ

ଭୁଲିଗଲି ରାତି ଦିନ

ପଚାରନା ସଖୀ କେଉଁଦିନ ମନେ

ଜାଗିଥିଲା ଅଭିମାନ I

ଯେଉଁଦିନ ତୁମେ ଦୂରେ ଚାଲିଗଲ

ସ୍ଥିର ହେଲା ମୋର ଗତି

ପଚାରନା ସଖୀ କହିପାରିବିନି

କେମିତି ଜଳେ ମୁଁ ନିତି I

ଭାଙ୍ଗି ଯାଇଛି ମୋ ସପନର ନୀଡ

ତୁମେ ଚାଲିଗଲା ପରେ

ଜଳି ଜଳି ଯେବେ ସରିଯିବି ସଖୀ

ହଜିଯିବି ସ୍ୱର୍ଗଦ୍ୱାରେ I