Library
Profile
କିଛି କ୍ଷଣ
କିଛି କ୍ଷଣ
କିଛି କ୍ଷଣ ମଧ୍ୟେ ଘଟି ଯାଏ ଅଚାନକ
ପରିବର୍ତ୍ତନ ଯେ ନିତି ଅସଂଖ୍ୟ ଅନେକ ।
ଅବାନ୍ତର ଭାବନାର ଭାରରେ ଆକ୍ରାନ୍ତ
ହୋଇ ପଡି ମନ ମୋର ଭାଳଇ ଏମନ୍ତ ।
ସମୟର ପ୍ରବାହରେ କେତେ ଯେ ନିମିଷ
ମିଶି ଯାଏ ବେଗବାନ ମହାକାଳେ ଯଶ ।
କିନ୍ତୁ ରହେ ସମୟର ଉଜ୍ଜ୍ୱଳ ଆଲେଖ୍ୟ
ଆଙ୍କି ବସେ ମନ ଯାହା ଭାବନା ପ୍ରତ୍ୟକ୍ଷ ।
କରି ଥାଏ କିଛି କ୍ଷଣ ମଧ୍ୟରେ କଳ୍ପନା
ମନର ଗହନ ଦେଶେ ନିଗୂଢ ଭାବନା ।
ଭାବର ଭଉଁରୀ କୋଳେ ଆଛନ୍ନ ଚେତନା
ଆଣୁ ଥାଏ ଯେତେ ନବ ଭାବ ସଂଭାବନା ।
କାଳ୍ପନିକ ଚିତ୍ରାବଳି ମନ ଆସ୍ତରଣେ
ଅଲିଭା ରହଇ ଯେତେ ଜାଗେ ପ୍ରତିକ୍ଷଣେ ।
>
ପ୍ରତ୍ୟକ୍ଷ କାରୀରର ପ୍ରତି ପଲକେ ସେ ସବୁ
ବେଳେ ବେଳେ ପୁଣି ଜାଗରିତ ହୁଏ ସବୁ ।
କିଛି କ୍ଷଣ ଅନ୍ତରରେ ଅନନ୍ତ ଭାବନା
ଅନୁଭବ ଅନୁଭୁତି ଅଜସ୍ର କଳ୍ପନା ।
ଅଭିନବ ଛନ୍ଦ ତୋଳି ନାଚେ ଅବିରତ
ଆନମନା କରେ ପୁଣି ଭାବନା ତୁରିତ ।
ତରଙ୍ଗିତ ଭାବା ଲୋକେ ଭାବର ପ୍ଲାବନେ
ଭାବମୟୀ ଚିଦାକାଶେ ନିତି କିଛି କ୍ଷଣେ ।
ଅକଳନ ଭାବରାଶି ସୂଜନ ନିପୁଣ
ଚିତ୍ତର ଚାଞ୍ଚଲ୍ୟକର ଭାବ ଉନ୍ମାଦନ ।
ଉନ୍ମାଦିତ କରି କରେ ଅଥୟ ବିକଳ
କିଛି କ୍ଷଣ ଅନ୍ତର ରେ ଯାହା ସୁ‐ଚଞ୍ଚଳ ।
ଚାଳିତ ହୁଅଇ ଖରେ ପୁଣି ଭାବାବେଗେ
ବୁଡାଏ ଉଠାଏ ମନ ଅତଳ ଆବେଗେ ।
