ଲାଇବ୍ରେରୀ
ପ୍ରୋଫାଇଲ୍
କିଛି କ୍ଷଣ ପାଇଁ ତୁମେ
କିଛି କ୍ଷଣ ପାଇଁ ତୁମେ
1 min
249
ତମେ ଆସିଲ କିଛି କ୍ଷଣ ପାଇଁ
ମୋ ଜୀବନକୁ ଛୁଇଁ ଚାଲି ଗଲ
ଅହେତୁକ ସ୍ମୃତିର ଜୁଆରରେ
ଭଲପାଇବାର ବନ୍ଧନର
ଶୁଷ୍କ ହେଇଯାଇଥିବା ହୃଦୟରେ
ଫୁଟେଇଲ ମରୁଦ୍ଵାନର ସମ୍ଭାର ll
ତମେ ଆସିଲ କିଛି କ୍ଷଣ ପାଇଁ
ମରିଯାଇଥିବା ହୃଦୟଟାରେ
ପୁଣି ସଂଚାର କଲ ସଞ୍ଜିବନୀର ମୃଦୁ ମଲ୍ହାର
ତମ ମୃଦୁ ସ୍ପର୍ଶର ମତୁଆଲା ବହ୍ନି
ଖେଳେଇ ଦେଇଥିଲା ଉନ୍ମାଦନାର ଶିହର ll
ତମେ ଆସିଥିଲ କିଛି କ୍ଷଣ ପାଇଁ
ସଜାଡ଼ିଦେଲ ମୋ ଅସଜଡ଼ା ଜୀବନକୁ
ଫୁଟପାଥର ଏ ମଣିଷକୁ ଶିଖେଇଲ
ବଂଚିବାର ରାହା ଜୀବନ ଜୀଇଁବାର ତରିକାକୁ
ଏକ ନୂଆ ସ୍ବପ୍ନର ଅୟମାରମ୍ଭକୁ l
କିନ୍ତୁ ଚାଲିଗଲ ତୁମେ
ଅଧା ରାସ୍ତାରେ ଛାଡି ଦେଇ
ସବୁ ଆଶା ବିଶ୍ୱାସର ପୂର୍ଣ୍ଣଛେଦ ପକେଇ
ଏକ ଅପନ୍ତରା ପଥର ପଥିକ ଭାବେ
ଏକ ପରାଜିତ ସୈନିକ ଭାବେ
ନା ଆଗକୁ ଯାଇ ପାରୁଛି
ନା ପଛକୁ ଫେରି ପାରୁଛି
ଜୀବନ ନାଆ ରେ ଡୁବି ଡୁବି ମରୁଛି ll
