କି ସୁନ୍ଦର ଆମ ଓଡିଶା ରାଇଜ

କି ସୁନ୍ଦର ଆମ   ଓଡିଶା ରାଇଜ

   କି ମଧୁର ଆମ ଭାଷା

ଓଡ଼ିଆ ଆମେରେ  ରଖି ଯିବା ଟେକ

   ପରହିତ ଆମ ପେଷା।

ଏଇଠି ରହିଛି   ବଡ଼ଦେଉଳ ଯେ

     ବଡ଼ଦାଣ୍ଡ ନୀଳାଚଳ

ଜଗନ୍ନାଥ ପ୍ରଭୁ  ଆମରି ଠାକୁର

    ଉଛୁଳେ ସାଗର ଜଳ।

ନଦ ନଦୀ ହ୍ରଦ  ପାହାଡ଼ ପର୍ବତ

    କେତେ ସବୁଜିମା ଭୂଇଁ

ଆଧ୍ୟାତ୍ମିକ ଆମ  ପୂରି ରହିଅଛି

    ଦିଏ ଜନ ମନ ଛୁଇଁ।

କୋଣାରକ କଳା  ଧଉଳି ସଦୃଶ୍ୟ

    ନନ୍ଦନକାନନ ଶୋଭା

ଘଟଗାଁ ତାରିଣୀ   ମଙ୍ଗଳା ମନ୍ଦିର

   ପ୍ରାଚୀ କୂଳେ ମନଲୋଭା।

ସମ୍ବଲପୁରର   ମାଆ ସମଲେଇ

    ଚିଲିକାର କାଳିଜାଇ

ଝଙ୍କଡ଼ ଗ୍ରାମର   ଶାରଳା ମନ୍ଦିର

    ଯାଜପୁର ବିରଜାଇ।

ବୁଲି ବୁଲି ଦେଖ   ସାରା ରାଇଜକୁ

    ଆହାକି ପବିତ୍ର ମାଟି

ଓଡ଼ିଆରେ ସଦା  କଥା ହେଉଥିଲେ

    ଭାଷା ଯାଏ ଫୁଟି ଫୁଟି।

ଭୁଲିବାନି ଜମା    ମାଆର ଭାଷକୁ

     ହେଉ ଜୀବନର ବ୍ରତ

ସବୁଠି କହିବା   ଆମେରେ ଓଡ଼ିଆ

    ଆମ ନେତା ଜଗନ୍ନାଥ।