କି କହିବି ମାଇପ ଗୁଣ

କି କହିବି ଭାଇ ମୋ ମାଇପ ଗୁଣ

ପଚାରୁଛୁ ଯଦି କର୍ଣ୍ଣ ଡେରି ଶୁଣ ।

ମାଇପ ମୋହର ଅତି ସୁକୁମାରି

ହୃଦୟରୁ କିନ୍ତୁ ନୁହେଁ ସେ ସୁନ୍ଦରୀ ।

ବିବାହ ପୂର୍ବରୁ ମୁଁ ଥିଲି ତା ସବୁ

ଏବେ ମୁଁ ଚାକର ସେ ମୋ ପ୍ରଭୁ ।

ଲୋକ ନିନ୍ଦା ପାଇଁ ନୀରବେ ରହୁଛି

ତଥାପି ସେ ମତେ ଗଞ୍ଜଣା ଦଉଛି ।

ମାଇପ ନୁହେଁ ସେ ରଣ ଚଣ୍ଡୀ ଟିଏ

ଫୁଟାଣି ତାହାର ଯମା କମ୍ ନୁହେଁ ।

ପାଦକୁ କଚାଡି ମୁହଁକୁ ଛିଞ୍ଚାଡି

ନିଇତି ଛାଡ଼ଇ ଘରେ ହମ୍ବା ରଡ଼ି ।

ପୁରୁଷ ପଣ ମୋ ଉଜାଡି ଦେଲାଣି

ଧନ ସଂପତ୍ତି କୁ ଧ୍ୟାନ ସେ ଦେଲାଣି ।

ଆଗକୁ ଶୁଣନା ଆଉ ମୋର ଭାଇ

ଜାଣିଲେ ଗାଲ ମୋ ଦେବ ସେ ଫଟାଇ ।

ନିଜର ବୋଲି ମୁଁ ଖୋଲିକି କହିଲି

ଆଗକୁ ପ୍ରଶ୍ନ ତୁ ନକର ବୋଇଲି ।

ଘର କଥା ମୋର ଘରେ ରହିଥାଉ

ବାହାରେ ମୋ ମାଇପ ସୁନ୍ଦରୀ ହେଉ ।