ଖୁସିରେ ଜୀଇଁବା ଆସ

ବନ୍ଧୁ ପରିଜନ ସମ୍ପଦ ସମ୍ମାନ

ଦେଇ ପାରିବେନି ସୁଖ,

ହୃଦୟ କନ୍ଦରୁ ପ୍ରସ୍ଫୁଟିତ ଏତ

ଆତ୍ମସନ୍ତୋଷ ଉଚ୍ଛ୍ୱାସ । [୧]

ଚିନ୍ତା ଖାଇଯାଏ ବୟସକୁ

ଆଉ କ୍ରୋଧ ଖାଇଯାଏ ବୁଦ୍ଧି,

ଲାଞ୍ଚ ଖାଇଯାଏ ମଣିଷ ପଣିଆ

ସମ୍ମାନକୁ ଖାଏ ଜିଦ୍ଦି । [୨]

ଅହଂକାର ଆମ ମନକୁ ଗ୍ରାସଇ

ଲୋଭ ଖାଏ ସ୍ୱାଭିମାନ,

ଷଡ଼ରିପୁ ଠାରୁ ଦୁରେଇ ରହିଲେ

ମହତ ହେବ ଜୀବନ । [୩]

ଗଢିବାରେ ଅଛି ମହାନ ଆନନ୍ଦ

ଯୋଡ଼ିବାରେ ମିଳେ ଶାନ୍ତି,

ଭୋଗୀଠୁ ମହାନ ତ୍ୟାଗୀଜନ

ଯେଣୁ ତ୍ୟାଗରୁ ବୈରାଗ ମୁକ୍ତି । [୪]

ସହସ୍ର ଟୁକୁଡା ହୋଇବି ମୁକୁର

ନିଜସ୍ୱକୁ ଭୁଲେ ନାହିଁ,

ଶ୍ରେଷ୍ଠ ପ୍ରାଣୀ ହୋଇ ଆମେ କାହାପାଇଁ

ଖୁସିରେ ଜୀଇଁବା ନାହିଁ ! [୫]