ଖୁସି

ମୁଁ ଶିଖିନି ପୁରା ଖେଳ

କିନ୍ତୁ...

ମୁଁ ଧିରେ ଧିରେ ଶିଖୁଛି;

ଜାଣିନି କେବେ ପୁରା ଶିଖିବି,

ହେଲେ

ଖେଳରେ ଅନେକ ଆଗେଇ ଯାଇଛି । 

ମୁଁ ଖୁସି ପାଇବା ପାଇଁ

ଅନେକ କିଛି ଏକାଠି କରିଛି,

ଆଉ

ଖୁସିକୁ ଉପଭୋଗ କରିବା ପାଇଁ

ଅନେକ ଖୁସିର ଜଳାଞ୍ଜଳି ଦେଇଛି । 

ଏକାଥରେ କିଛି ବଡ଼ କରିନି,

କଷ୍ଟ ଦେଇନି କାହାକୁ ଜ୍ଞାତରେ,

ଛୋଟ ଛୋଟ ଖୁସି ପାଇଁ

ଦୁଃଖକୁ ପିଉଛି ଅତି ସରାଗରେ । 

ମୁଁ କିଛି ପାଇବା ଆଶାରେ

ଅନେକ ରାତିର ନିଦ ହଜେଇଛି,

ସ୍ବପ୍ନମାନଙ୍କର ତଣ୍ଟି ଚିପି ଚିପି

ନିଜେ ଅପରାଧି ପାଲଟି ଯାଇଛି । 

ଖୋଜୁଛି ଖୁସିକୁ ଦିନ ରାତି,

କହୁଛି ମନକୁ ଆଶ୍ୱାସନା ଦେଇ,

ଶୀତ କେବେ ଚାଲିଯାଏ ଯଦି,

ବସନ୍ତେ ଅବିର ଆସିବ ନେଇ ।