ଖୋଲିଗଲେ ଛାତିର ଦରଜା
ଖୋଲିଗଲେ ଛାତିର ଦରଜା
1 min
218
ସାଗର ବେଳାରେ ବାଲିଘରଟିଏ
ତୋଳିଥିଲି ତୁମପାଇଁ
ଏଯାଏ ବି ଅଛି ସେଇ ବାଲିଘର
ଲହଡି ପାରିନି ଛୁଇଁ I
ଏବେବି କାନରେ ପଡିଯାଏ ସଖୀ
ତୁମରି କଣ୍ଠର ଗୀତ
ଦିଗବଳୟ ଧାରେ ଦିଶିଯାଏ ତୁମ
ଭୂବନ ମୋହିନୀ ରୂପ I
କେଉଁ ଉପାଦାନେ ମନ ତୁମ ଗଢା
ଜାଣି ପାରୁନାହିଁ ସଖୀ
ତୁମ ହୃଦୟର ଅକର୍ମଶୀଳାରେ
ନାଁ' ମୋ' ଦେଇଛି ଲେଖି I
କେବେ ଯଦି କେଉଁ ଅଳସ ମୂହୂର୍ତ୍ତେ
ମନେ ପଡିବ ମୋ କଥା
ସେତିକିରେ ସଖୀ ଉଣା ହୋଇଯିବ
ମୋ ମରମ ତଳ ବ୍ୟଥା I
ସତେଜ ହୋଇ ମୁଁ ଚେଇଁ ଉଠିବି ଲୋ
ସପନ ଉଠିବ ଚେଇଁ
ଫୁଲର ମହକେ ମହକି ଉଠିବ
ମୋ ମନ ଟାଙ୍ଗରଭୂଇଁ I
ଅନ୍ଧାରେ ଅନ୍ଧାର ଖୋଜିବିନି ଆଉ
ତୁମେ ଆସୁଥିବ ଧିରେ
ତୁମେ ହସିଦେବ ମୋ ଛାତିତଳର
ଦ୍ୱାର ଖୋଲିଗଲା ପରେ I