କହିବାର ଥିଲା ଯାହା-୮

ଧୂଳିଖେଳ ବେଳେ

ସଞ୍ଜ ହୋଇଗଲେ

ପିତାଶୁଣି ଚିରୁଗୁଣି

ଆସନ୍ତିନି କେହି

ମିଛ କଥା କହୁଥିଲା ଆଈ।

ଖରାବେଳେ

ନ ଶୋଇଲେ

ଜଗୁଆ ପାଗଳ

କରେ ହଟ୍ଟଗୋଳ

ମିଛେ ମୁହଁ ମାଡ଼ି ଶୋଇବାର।

ବରଷା ଝଡିରେ

ବିଜୁଳି ଚମକ

ହେଲେ ଝକ୍ ଝକ୍

ବାଜେ ନାହିଁ ଇନ୍ଦ୍ର ରାଜା 

ବାହାଘରେ ଘଡଘଡି ବାଜା ।

ତୁ ବର ମୁଁ କନିଆଁ

ଷଢେଇରେ ଭାତ

ଡାଲି ବଢା ହୁଏ

ମିଛ ର ସଂସାର ଏ ହୁଏ

ସତର ସଂସାର କଣ ଥାଏ ।

କହିବାର ଥିଲା

ଅକୁହା ରହିଲା

ଅଧୁରା ଲାଗୁଛି ପିଲାଦିନ

ଫେରିବକି! ସେହି ସବୁ ଦିନ ।