କହଇ ମନଆରେ ମୋ ବୋଲକର -୨

ଜନ୍ମ ହୋଇଲେ ପ୍ରାଣୀ ଅବଶ୍ୟ ମରେ,

ଜୀବିତ କେହି ନାହିଁ ଏହି ସଂସାରେ ।

ଜନମ ସାର୍ଥକ ତୁ କରିବୁ ଯେବେ,

ଜଗତନାଥ ପାଦେ ଭଜ ତୁ ଏବେ ।।୮।।

ଝଡ ଝଞ୍ଜାରେ କାହିଁ କାଟୁଛୁ ଦିନ,

ଝଡ ବହିବା ଆଗୁଁ ଦିଅତୁ ଧ୍ୟାନ ।

ଝଡ ମାଡି ଆସୁଛି ଦେଖ ଦୁର୍ଦ୍ଦିନ ,

ଝଡି ପଡ଼ିବୁ ଦିନେ ପତ୍ର ପ୍ରାୟେଣ ।।୯।।

ନାରୀ ମୋହରେ କାହିଁ ଘାଣ୍ଟି ହେଉଛୁ,

ନର୍କ ପଥକୁ କାହିଁ ବାଟ ବାଛିଛୁ ।

ନାଶ ଗଲେଣି ସର୍ବେ ପଡି ମୋହରେ, 

ନାମକୁ ଆଶ୍ରେ କଲେ ତରିବୁ ଭବୁରେ ।।୧୦।।

ଟେକ ପଣକୁ ମନ ବହୁ ସର୍ବଦା ,

ଟେକ ପଣରେ କ୍ଷତି ହୁଅଇ ସଦା ।

ଟେକ ପଣରେ ଧ୍ଵଂସ ବିଶ୍ରବା ବଂଶ,

ଟେକିଦିଅ ତୁ ମନ ଶ୍ରୀହରି ପାଶ ।।୧୧।।

ଠିକଣା ଖୋଜିବାକୁ ନ ଚାହୁଁ କାହିଁ,

ଠକି ତୁ ଚାଲୁ ନିଜେ ନିଜର ପାଇଁ।

ସତ୍ୟ ପଥରେ ଗଲେ ଠକିବୁ ନାହିଁ,

ଠିକେ ଗଲେ ଠିକଣା ପାଇବୁ ତୁହି ।।୧୨।।

ଡାକୁଛି ହାତଠାରି ତୋତେ ଶମନ,

ଡରାଇ ବାନ୍ଧି ନେବ କାଳ ଫାସେଣ ।

ଡରୁଛୁ ଯେବେ ତୁହି ଯମ ଦଣ୍ଡକୁ,

ଡାକ ବେଳ ଥାଉଣ ନନ୍ଦସୁତକୁ ।।୧୩।।

କ୍ରମଶଃ . . .