ଖେଳିବା ଲୋ ହୋଲି
ଖେଳିବା ଲୋ ହୋଲି
1 min
191
ଆସିଛି ଫଗୁଣ
ଖେଳିବା ଲୋ ହୋଲି ।
ସଜେଇ ରଖିଛି ରଂଗ ପିଚକାରୀ ।।
ପୀରତି ରଂଗରେ
ତୋ ଦେହକୁ ମୁଁ
ଦେବି ରଙ୍ଗେଇ ।
ମୁଁ ହେବି କୃଷ୍ଣ
ତୁ' ମୋ' ମାନିନୀ ରାଧା(0)
ନୀଳ ଗଗନ
ଅଗଣା ଆମ
ହେବ ଝୁଲଣା।
ଝୁଲିବ ଆମ
ଦୁଇଟି ମନ
ନ ମାନି ମନା।।
ବହୁଥିବ ଧୀରେ
ମଳୟ ପବନ।
ଦେହେ ଭରି ଦେଇ
ମୃଦୁ ଶିହରଣ। ।
ଦୁଇ ମନ ଆମ
ଗୋଟିଏ ସୂତାରେ
ହୋଇବ ବନ୍ଧା-
ମୁଁ ହେବି କୃଷ୍ଣ
ତୁ'ମୋ' ମାନିନୀ ରାଧା(୧)
ଗୋରା ଦେହରେ
କଳା ରଂଗକୁ
ଦେବି ଲୋ ବୋଳି ।
ଉଡି ବୁଲିବା ମଳୟ ସାଥେ
ଖେଳିବା ଦୋଳି ।।
ଫୁଲ ଫଗୁଣର
ଆକାଶୀ ଅଗଣା।
ଭରି ଦେଉଥିବ
ନୂଆ ଉନ୍ମାଦନା।।
ଦୁଇ ମନ ଆମ
ହଜେଇ ଦେବାରେ
ନଥିବ ବାଧା-
ମୁଁ ହେବି କୃଷ୍ଣ
ତୁ' ମୋ' ମାନିନୀ ରାଧା(୨)