ଖାଲି ଟିକେ ହସିବା ପାଇଁ ତ

ଜିଇଁବା ବି ଭୁଲିଗଲି

ଆଉ ବଞ୍ଚିଲି ମରିମରି

ଦୁଃଖର ସାଗରେ ସୁଖ ଖୋଜି ଖୋଜି

ହଜାଇଲି ଜୀବନର ମୂଲ୍ୟ

ହେଲି ପାପୀ, ଅପରାଧୀ

ଠକ ଆଉ ଲମ୍ପଟ, ହତ୍ୟାକାରୀ ବି

ପାସୋରିଦେଲି ମଣିଷପଣିଆ ମଣିଷ ହୋଇ

ହେଲି ପଶୁ

ବେଦରଦୀ ହେଇ ଆଘାତ ଦେଲି କେତେ ଯେ ନିରୀହ ହୃଦୟ

ହେଲି ମାନବଦେହେ ଦାନବ ଅସୁର

ସ୍ୱାର୍ଥଲୋଭେ ଭାଙ୍ଗିଲି ସଭିଙ୍କ ସପନ

ଉଣାକଲି ମନ ମାରିଲି ଜୀବନ

ସାଜିଲି ନର ପିଶାଚ

ନିଜ ସପନକୁ ପୁରା କରିବାକୁଯାଇ ତ

ସବୁଖାଲି

ଟିକେ ହସିବାପାଇଁ ତ

ଟିକେ ହସିବା ପାଇଁ ତ l