କେମିତି କହିବି କିଏ ମୁଁ

ଜୀବନ ଦୀପରେ ସଳିତା ମୁଁ

ତୁମ ଅଙ୍କା ବଙ୍କା ରାସ୍ତାର ପଥିକ ମୁଁ ।

ଜୀବନ ପଥରେ ସାଥୀଟେ ମୁଁ 

ସବୁରି ମନରେ ଆଶାଟେ ମୁଁ ।

 

କେମିତି କହିବି କିଏ ମୁଁ ।

 କେବେ ଜୀବନର ସାଥୀ ହୋଇ 

କେବେ ପୁଣି ଗଳାରେ ଫାଶୀ ହୋଇ

ପାଖେ ଥାଏ ମୁଁ ।

କେବେ ପୁଣି ପୁନେଇ ରାତିର ଜହ୍ନ ହୋଇ 

କେବେ ଉଆଁସି ରାତିର ଅନ୍ଧାର ହୋଇ ।

ମନର କୋହ ହୁଏ ମୁଁ । 

କେମିତି କହିବି କିଏ ମୁଁ ।

 

କାହା ମନେ ଫୁଲ ପୁଣି କାହା ମନେ କଣ୍ଟା ମୁଁ

କାହା ପାଇଁ କୋଟି ଜନ୍ମ ପୂଣ୍ୟ ପୁଣି କାହା ପାଇ ପାପ ମୁଁ ।।

 କେମିତି କହିବି କିଏ ମୁଁ ।

ନୀରବ ମନର ବ୍ୟଥା ମୁଁ  

ଅକୁହା ଆଖିର ଝର ମୁଁ ।

ନିରୀହ ମନର ପ୍ରେମ ମୁଁ  

ନିଷ୍ପାପ ଆଖିର ସ୍ପପ୍ନ ମୁଁ ।।

 

କେମିତି କହିବି କିଏ ମୁଁ ।।