କେମିତି ହଜିଲା ମୋ ପ୍ରେମ ଠିକଣା

କେମିତି ହଜିଲା ମୋ ପ୍ରେମ ଠିକଣା

      କେମିତି ଗଲା ଦୁରେଇ

ମୋତେ ଖୋଜି ଦିଅ ମୋ ପ୍ରେମ ଠିକଣା

    ମନ ମୋର ବୁଝୁନାହିଁ ।

ଅତୀତର ଛବି ନାଚୁଛି ନୟନେ

   ଅସ୍ଥିର ହେଉଛି ମୁହିଁ

ପ୍ରତି ମୁହୂର୍ତ୍ତରେ ଖୋଜି ମୁଁ ବୁଲୁଛି

    ପ୍ରେମକୁ ପାରୁନି ଛୁଇଁ ।

କେଉଁ ଦେଶେ ଯାଇ ନିରବେ ଶୋଇଛି

      କୁହ ଗଛ ,ଲତା ନଈ

ପ୍ରେମ ବିନା ମୁହିଁ ବଞ୍ଚି ପାରୁ ନାହିଁ

     ଦିଅ ତା ଠିକଣା କହି ।

ଚନ୍ଦ୍ର ,ସୂର୍ଯ୍ୟ ତମେ ଲୁଚି ଦେଖୁଥିଲ

     ରହିଥିଲ ଆମ ସାକ୍ଷୀ

ଏମିତି କେମିତି କଳା ବୋଳି ଦେଲ

   ଜାଣି ପାରୁନାହିଁ ଦେଖି ।

ପ୍ରେମ ବଗିଚାରେ ମାଳି ସଜେଇଲ

   ଦେଲ ବହୁ ଅନୁଭୂତି

ସୁନ୍ଦର ଶୋଭିତ ଲାଗିଲା ପରଠୁ

  ପ୍ରେମକୁ ଦେଲ ଆହୁତି ।

କେମିତି ଭୁଲିବ ତା ତନୁ ମନକୁ

   ଜାଣି ପାରୁନାହିଁ ମୁହିଁ

ସଦା ହସି,ହସି କାନେ ମୋ କହଇ

        ଆମ ପ୍ରେମ ଚିରସ୍ଥାୟୀ

କେମିତି ହଜିଲା ମୋ ପ୍ରେମ ଠିକଣା

            କେମିତି ଗଲା ଦୂରେଇ ........।