କେବେ ତୁ ଆସିବୁ ଧନ
କେବେ ତୁ ଆସିବୁ ଧନ
କେମିତି ବେଳାରେ ଘରୁ ବାହାରିଲି
ହରାଇ ବସିଲି ତୋତେ
ମୋ ଜୀବନ ପଛେ ଚାଲି ଯାଉ ଧନ
ତୋ ବଦନ ଦିଶୁ ନେତ୍ରେ ।
ଅତି ଆନନ୍ଦରେ ଏକ ମାସ ପୂର୍ବେ
ବିଚାର କରିଲି ସୁଖେ
ଏସ . ଏମ୍ . ବଶ୍ ଗାଡ଼ିକୁ ଧରିବି
ପଡ଼ିବି ନାହିଁ ମୁଁ ଦୁଃଖେ ।
ତୋ ପିତା ସାଙ୍ଗରେ ତୋର ବଡ଼ ଭାଇ
ଆଗେ ଆଗେ ଚାଲି ଗଲେ
ଅତି କୌତୁହଳେ ଘରେ ଚାବି ମାରି
ଆମେ ମଧ୍ୟ ବାହାରିଲେ ।
କେତେ ଆନନ୍ଦରେ କହୁଥିଲୁ ମା'
ଯାହା ମୁଁ ଚାହିଁବି ଦେବୁ
ଗୋଟିଏ ବନ୍ଧୁକ କିଣିଲା ବେଳେ ମା
ମୋ ପାଖରେ ତୁହି ଥିବୁ ।
ତୋତେ ଯିଏ ଯଦି ମାରିବା ପାଇଁକି
ଚେଷ୍ଟା କରିବ ସହଜେ
ଏକା ଥର କରେ ଗୁଳି କରି ଦେବି
ଯିବ ସେ ଯମ ରାଇଜେ ।
ଏହି ବାର୍ତ୍ତାଳାପ ଶେଷ କଥା ଥିଲା
ଗାଡ଼ିରେ ଚଢିବା ଆଗେ
ଜାଣି ନପିରିଲି ଓଡ଼ିଶାରେ ନୂଆ
ଚଢି ଗଲି ବେଗେ ବେଗେ ।
ସେଥିରେ ଧନରେ ବସି ଥିଲେ କେତେ
ବଙ୍ଗାଳୀ , ବିହାରୀ ଜନ
ପୁଣି ଗୁଜୁରାଟୀ ମରାଠୀ ପଞ୍ଜାବୀ
ବିଭିନ୍ନ ଜାତିର ଚିହ୍ନ ।
ସଭିଙ୍କୁ ଦେଖେ ମୁଁ ଦିଶେ ନାହିଁ ପିତା
କି ଅବା ତୋହର ଭାଇ
ଗାଡ଼ିରେ ବସାଇ ଅନ୍ୱେଷଣେ ଗଲି
ଲୋଚନ ଲୋତକ ନେଇ ।
ମୋ ପଛରେ ତୁହି ରାହା ଧରି କାନ୍ଦି
କେଉଁ ଆଡେ ଗଲୁ ଚାଲି
ଯେତିକି ଖୋଜୁଛି ସରୁ ନାହିଁ ଦିନ
ପାରୁ ନାହିଁ ତୋତେ ଭୂଲି ।
ଏବେ ମୁଁ ଟିକିଏ ଆଶ୍ୱସ୍ତି ହୋଇଛି
ଶୁଣିଲି ଶୁଭ ଖବର
ଏସ. ଏମ୍. ବଶ୍ ମାଲିକ ବୋଲନ୍ତି
ହୁଅ ନାହିଁ ତରବର ।
ପୁଅକୁ ପାଇଛୁ ଭଲରେ ରହିଛି
ରୋଦନ କରିବ ନାହିଁ
ଭାରତ ଆମର ଗୋଟେ ପରିବାର
ଆମେ ସବୁ ଭାଇ ଭାଇ ।
#SM Boss