Library
କବୟିତ୍ରୀ ଅମ୍ରିତା ପ୍ରୀତମ୍ ସ୍ମରଣେ
କବୟିତ୍ରୀ ଅମ୍ରିତା ପ୍ରୀତମ୍ ସ୍ମରଣେ
ଜନ୍ମ ଅମ୍ରିତା ପ୍ରୀତମଙ୍କର 1921ରେ
ଲାହୋରରେ
ଅବିଶ୍ୱସନୀୟ ସଫଳତା ପାଆନ୍ତି ସେ
ଲେଖିକା ହିସାବରେ |୧|
ଅମ୍ରିତା ପ୍ରୀତମ ଥିଲେ ପଞ୍ଜାବର ଏକ
ଅନିନ୍ଦ୍ୟ ସୁନ୍ଦରୀ
ଜନ୍ମଭୂମି ପଂଜାବରେ ନିଜର କର୍ମଭୂମି
କରନ୍ତି ତିଆରି |୨|
ପିତା ଭକ୍ତି ସଙ୍ଗୀତର କବି ଥିଲେ
ପଞ୍ଜାବୀ ଭାଷାରେ
ଅମ୍ରିତା ଭକ୍ତି ସଂଗୀତ ବଦଳେ ମନ
ଦେଲେ ପ୍ରେମ ସଙ୍ଗୀତରେ |୩|
ଲେଖିଲେ ନାରୀ ମନର ଅନେକ
ଅନେକ ଅକୁହା କଥା
ପ୍ରେମ ବିରହ ନାରୀ ନିର୍ଯ୍ୟାତନା
ବେଦନାର ବ୍ୟଥା |୪
ଅମର ପ୍ରେମକୁ ଜୀବନ୍ୟାସ ଦିଅନ୍ତି
ଲେଖନୀ ମୁନରେ
ସଫଳତା ମିଳିଲା ଅମରତ୍ବ ଲାଭ
କରନ୍ତି ସେ କୃତିରେ |୫|
ସେ ମଧ୍ୟ ଜଣେ ଗଦ୍ୟ ଲେଖିକା ଭାବେ
ଲଭନ୍ତି ସଫଳତା
ଅଜସ୍ର ପୁରସ୍କାର ସମ୍ମାନ ପ୍ରାପ୍ତ ସେ ବି
ଶତାଧିକ ପୁସ୍ତକର ସ୍ରଷ୍ଟା |୬|
ହାସଲ କରନ୍ତି ସେ ପଦ୍ମଶ୍ରୀ ପଦ୍ମଭୂଷଣ
ଓ ପଞ୍ଜାବ ରତ୍ନ
କେନ୍ଦ୍ର ସାହିତ୍ୟ ଏକାଡେ଼ମୀ ଓ ଜ୍ଞାନପୀଠ
ରେ ମଧ୍ୟ ସମ୍ମାନିତ |୭|
ନିଜ ଜୀବନରେ ପ୍ରେମ କାହାଣୀ ରୋଚକ
ଥିଲା ତାଙ୍କର
ବିଶିଷ୍ଟ ଗୀତିକାର ସାହିର ଲୁଧାନୀ ରାଜ
କୁମାର ତାଙ୍କ ସ୍ୱପ୍ନର |୮|
ସାହିର ଲୁଧାନୀଙ୍କ ସହିତ ଅମ୍ରିତାଙ୍କ ଏକ
ଟାଉନ ବସରେ ଦେଖାହୁଏ
ଅଜାଣତରେ ଏହି ପ୍ରତିଭାକୁ ଅମ୍ରିତା ତାର
ହୃଦୟ ଦେଇ ଦିଏ |୯|
ଲୁଧାନୀ ଆଙ୍କନ୍ତି ଅମ୍ରିତାଙ୍କ ଛବି ତାଙ୍କ ଊର୍ଦ୍ଦୁ
ଭାଷା ଗୀତରେ
ପରସ୍ପରଙ୍କ ପ୍ରେମ ଭାବନାକୁ ଉଭୟେ ଅନେକ
କବିତା ଗୀତ ରଚନାରେ |୧୦|
ଅମ୍ରିତାଙ୍କ ପ୍ରେମ ମନର ଆବେଗ ମନ ଭିତରେ
ଦଗ୍ଧ ହେଉଥିଲା
ଉଭୟେ କିଏ କାହାକୁ ଖୋଲି ବିବାହ ପ୍ରସ୍ତାବ
ଦେଇ ପାରୁ ନଥିଲା |୧୧|
1960 ମସିହାରେ ଦିନେ ଅମ୍ରିତା ତାଙ୍କ ମନର
କଥା କହିବା ପାଇଁ ଫୋନ ଲଗାଇଲେ
ଅପର ପାଖରୁ ସାହିର ପରିବର୍ତ୍ତେ ଗାୟିକା ସୁଧା
ମାଲହୋତ୍ରା କଣ୍ଠସ୍ୱରକୁ ପାଇଲେ |୧୨|
ବିରହ ଦୁଃଖରେ ଭାଙ୍ଗି ପଡିଲେ ଅମ୍ରିତା ତାଙ୍କ
ଜୀବନର ସୋପାନରେ
ଅନ୍ତତକ ଭଲ ପାଉଥିଲେ ସାହିରଙ୍କୁ ପ୍ରେମ ଯନ୍ତ୍ରଣା
ଫୁଟିଉଠିଲା ପ୍ରତ୍ୟେକ ପ୍ରେମ କବିତାରେ |୧୩|
ଜ୍ଞାନପୀଠ ପୁରସ୍କାର ପରେ ବିଭିନ୍ନ ପତ୍ର ପତ୍ରିକା
ତାଙ୍କ ସାକ୍ଷାତକାର ନେଇଥିଲେ
ସାହିର ତାଙ୍କ ଜୀବନର ଅବିଛେଦ୍ୟ ଅଙ୍ଗ ପ୍ରେମ
ଜୀବିତ ବୋଲି ସେ ସମସ୍ତଙ୍କୁ କହିଥଲେ |୧୪|
