କବିତାୟନ-13 କ୍ଷମା
କବିତାୟନ-13 କ୍ଷମା
ନିଜଦୋଷ କେବେ ବୁଝିପାରି ନିଜେ କଲେ ଆତ୍ମ ସମର୍ପଣ,
ଜାଣିବେ ଆପଣ ସାଧୁବ୍ୟକ୍ତି ଜଣେ ଜୀବନ ହୋଇଛି ଧନ୍ୟ |
ନିଜଦୋଷ କିଛି ଅଛି କି ନ ଅଛି ଯଦି ନ ପାରନ୍ତି ଜାଣି,
ତଥାପି ନିଜକୁ ସମର୍ପି ପାରିଲେ ବୁଦ୍ଧିମାନ ହେବେ ପୁଣି |
ଦୋଷ ନ ଥାଇ କେ କ୍ଷମା ମାଗିନେଲେ କିଛି କ୍ଷତି ହୁଏନାହିଁ,
ବନ୍ଧୁତା ସୂତ୍ରଟି ଦୃଢ଼ ହୋଇଥାଏ ଜ୍ଞାନିଲୋକ ହୁଏ ସେହି |
ଦୋଷଥାଇ କେହି ଯୁକ୍ତିକଲେ ସିନା ହାରିବା ହୋଇବ ସାର,
ପରଦୋଷ ଦେଇ ଖସି ଚାଲିଗଲେ କ୍ଷତି ହୁଏ ଦୁହିଙ୍କର |
କ୍ଷମାର ମହିମା କ୍ଷମାର ମହତ୍ୱ ଜାଣନ୍ତି ମହତ ଜନ,
କ୍ଷମାଦାତା ପୁଣି କ୍ଷମାର ଗ୍ରହୀତା ଧନ୍ୟ ହେବେ ଦୁଇଜଣ |