କବିତାୟନ-06 ନିଜ ବ୍ୟବହାର ସଦଗୁଣେ

ନିଜ ବ୍ୟବହାର ସଦଗୁଣେ ଆଉ ସଚ୍ଚରିତ୍ର ପ୍ରତିଦାନେ,

ଭଲ ବନ୍ଧୁଟିଏ ମିଳିଯାଇଥାଏ ଖୋଜୁଥିଲେ ମନେ ମନେ |

ଆମ କର୍ମଫଳ ଶୁଖାମଞ୍ଜି ପରି ସାଇତି ରହୁଛି ବଳେ,

ସେ ମଞ୍ଜିର ଗଛ ଉଠି, ବିଷ କେବେ ଅମୃତର ଫଳ ଫଳେ |

ଶକ୍ତିଶାଳୀ ହେବା ନିଜପାଇଁ ସିନା ରୁକ୍ଷ ନୁହେଁ ଅନ୍ୟପାଇଁ,

ସ୍ଵାଭିମାନୀ ଥିବା ଦୁର୍ବଳ ହେବନି ଦୟା ମନୋଭାବ ନେଇ |

ପ୍ରେମ ଅନୁରାଗ ଶ୍ରଦ୍ଧା ସମ୍ମାନଠୁଁ ତ୍ୟାଗର ମହତ୍ୱ ବେଶି,

ରୂପ ସୁନ୍ଦରଠୁଁ ଭଲ ଆଚରଣ, ଗୁଣ ଦେଇପାରେ ଖୁସି |

ମାନବିକତା ହିଁ ଧନ ସଂପତ୍ତିକୁ ସହଜରେ କରେ ଜୟ,

ସବୁଠାରୁ ବଡ଼ ମହତ ପଣିଆ ବିପଦ ବେଳେ ସହାୟ |