କବିତା ପର୍ବ : ଗୀତି କବିତା-06 : ପ୍ରେମର ପରିଭାଷା : -ଡକ୍ଟର କୃତ୍ତିବାସ ନାୟକ

ତୁମେ ତ କହିଛ ପୀରତିର ଭାଷା-

ପ୍ରଣୟର ପରିଭାଷା,

ପ୍ରେମ ସିନା ଏକ ସାଧନାର ପଥ, 

ନୁହେଁ କାମନାରେ ନିଶା | (ଘୋଷା)

ତ୍ୟାଗରେ ବଢ଼ଇ ଲୋଭରେ ଛିଡ଼ଇ ଅତିରେ ହୁଅଇ ଇତି,

ପାଶେ ଆସୁଥିବ ଦୂରେ ରହୁଥିବ ଚିରଦିନ ଥିବ ପ୍ରୀତି |

ଦେଇଥିଲେ କିଛି ଭୁଲି ଯାଉଥିବା-

ନରଖି ପାଇବା ଆଶା | 

ତୁମେ ତ କହିଛ ପୀରତିର ଭାଷା 

ପ୍ରଣୟର ପରିଭାଷା |(1)

ଅଳପ କଥାରେ ଗଳପ କରିବା ଛାତିକୁ ପଥର କରି,

ମାନ-ଅଭିମାନେ କାତର ନହୋଇ ରହିବା ଧଇର୍ଯ୍ୟ ଧରି |

ଭାବ ପ୍ରବଣତା ପ୍ରେମରେ ରହିଲେ- 

ହୋଇଯିବା ଲୋକହସା | 

ତୁମେ ତ କହିଛ ପୀରତିର ଭାଷା 

ପ୍ରଣୟର ପରିଭାଷା | (2)