କବିତା ପର୍ବ : ଗୀତି କବିତା-03 : ଜହ୍ନରାତି : -ଡକ୍ଟର କୃତ୍ତିବାସ ନାୟକ
କବିତା ପର୍ବ : ଗୀତି କବିତା-03 : ଜହ୍ନରାତି : -ଡକ୍ଟର କୃତ୍ତିବାସ ନାୟକ
ଚମକେଇ ଦିଏ ପୂନେଇଁର ଚାନ୍ଦ ଗୋଟିଏ ରଜନୀ ପାଇଁ,
ଚୋରା ପୀରତିରେ ଯେଉଁ ସୁଖ ଅଛି କେଉଁଠି ସେ ସୁଖନାହିଁ | (ଘୋଷା)
ମାଗି ଆଣିଥିଲେ ତିଅଣ କେଉଁଠୁ ତା' ସୁଆଦ ମନେ ରହେ,
ପାଇ ଯାଇଥିଲେ ଖୋଜୁଥିବା ଚିଜ ଗଣ୍ଠିଧନ ହେଇଯାଏ |
ଚନ୍ଦନ କାଠକୁ ଘୋରିଦେଲେ ସିନା ବାସଦିଏ ଚହଟାଇ |
ଚୋରା ପୀରତିରେ ଯେଉଁ ସୁଖ ଅଛି କେଉଁଠି ସେ ସୁଖନାହିଁ | (1)
ମହୁମାଛି ଖାଏ ଫୁଲରସ ପୁଣି ସଞ୍ଚି ରଖେ ତା' ଅଇଁଠା,
ଦେବତା ମଥାରେ ଢଳା ହୁଏ ମହୁ ମଣିଷକୁ ଲାଗେ ମିଠା |
କ୍ଷୀର ଆଉ ନୀର ମହୁ ଆଉ ପ୍ରେମ ଅଇଁଠା ହୁଏନା କାହିଁ |
ଚୋରା ପୀରତିରେ ଯେଉଁ ସୁଖ ଅଛି କେଉଁଠି ସେ ସୁଖନାହିଁ | (2)